Wn/shn/ပၢႆးၸၢင်ႈ AI တွၼ်ႈတႃႇ ၵူၼ်းလၢတ်ႈၵႂၢမ်းယၢပ်ႇ
ဝၼ်းပုတ်ႉ၊ မၢတ်ႉၶျ် 27၊ 2024
ၵူၼ်းၸိူဝ်းဢၼ် လၢတ်ႈၵႂၢမ်းၵၵ်း၊ ၸိူဝ်းဢၼ်ဢမ်ႇလၢတ်ႈၵႂၢမ်းလႆႈလီလီၼၼ်ႉ ယွၼ်ႉပိူဝ်ႈ ၶူင်သၢင်ႈလႆႈ ပၢႆးၸၢင်ႈ ဢၼ်ၸႂ်ႉ AI သေ တေၶိုၼ်းဢဝ်သဵင်ၸဝ်ႈၵဝ်ႇသေၵေႃႈ ၶိုၼ်းမွၵ်ႇလၢတ်ႈၶေႃႈၵႂၢမ်းလႆႈ ၼၼ်ႉလႄႈ ယၢမ်းလဵဝ်ၼႆႉ ၸိူဝ်းပဵၼ် ၵူၼ်းပဵၼ်တၢင်းပဵၼ် ဢၢၼ်ႇႇႁူဝ်လၢၼ်ႉမၼ်းၼႆႉ တေၸၢင်ႈဢဝ်ၵႂၢမ်းသေ ၵပ်းသိုပ်ႇလၢတ်ႈတေႃႇၵၼ်လႆႈယဝ်ႉ ဝႃႈၼႆ။
George Coster ၼႆႉ ပဵၼ်ၵူၼ်းလၢတ်ႈၵႂၢမ်းၵၵ်း ၵေႃႉၼိုင်ႈယဝ်ႉ။ မၼ်းလႆႈဢဝ် သဵင်လူမ်းဢွၼ်ႇသေ လၢတ်ႈတီႈ မၢႆႉၶရူဝ်ႇၽူင်းယဝ်ႉ။
“ၶႃႈလၢတ်ႈၵႂၢမ်းၵၵ်း ဢိတ်းဢိတ်းဢေႃႈ...“
ပေႃးလၢတ်ႈၵႂၢမ်းလွႆးလွႆး ၵႂၢမ်းသဵင်လူမ်း ၵႂၢမ်းသွပ်ႉသႅပ်ႉၼႆတႄႉ ၵူၼ်းၸိူင်ႉၼင်ႇၶဝ်ၼၼ်ႉ ၵႂၢမ်းဢမ်ႇၵၵ်းယဝ်ႉသေ လၢတ်ႈလႆႈ လေႃႈလီလီၼၼ်ႉယဝ်ႉ။
“ၶႃႈလၢတ်ႈ လွႆးလွႆး လႆႈငိၼ်းယူႇႁႃႉ...“
Joris Castermans ၼႆႉ ပဵၼ်ၽူႈတႄႇတင်ႈ ၶွမ်ႇပၼီႇ Whispp ၵေႃႉၼိုင်ႈယဝ်ႉ။
“ႁဵတ်းဝင်လႆႈ လႆႈငိၼ်းၸိူင်ႉၼင်ႇၼႆၼႆ ပေႃးဝႃႈ လၢတ်ႈသဵင်လူမ်း လၢတ်ႈသွပ်ႉသႅပ်ႉၼႆ ႁဝ်းဢမ်ႇတၢပ်ႈလူဝ်ႇၸႂ်ႉ ဢွမ်လူမ်းႁဝ်း“
ၼႆႉ ပေႃးၵူၼ်းလၢတ်ႈၵႂၢမ်းၵၵ်း ယွၼ်ႇသဵင်ၶဝ်သေ လၢတ်ႈလွႆးလွႆး လၢတ်ႈသဵင်လူမ်း လၢတ်ႈသဵင်သွပ်ႉသႅပ်ႉၼႆ ၶဝ်ၸၢင်ႈယွၼ်ႇယွမ်းပႅတ်ႈလႆႈ ၵႂၢမ်းၵၵ်းၶဝ် တေႃႇထိုင် 85% ၼၼ်ႉယဝ်ႉ။ ဢိင်ၼိူဝ်လွင်ႈတၢင်းဢၼ်ၼႆႉသေ Castermans ၸင်ႇလႆႈ ပၢႆးဝူၼ်ႉ တႃႇၶူင်သၢင်ႈ Whispp ဢၼ်ပဵၼ် ဢႅပ်ႉလၢတ်ႈၵႂၢမ်း ဢၼ်ၸႂ်ႉ ပၢႆးၸၢင်ႈ AI ဝႆႉၼၼ်ႉယဝ်ႉ။ ဢႅပ်ႉမၼ်းၼႆႉ မၼ်းႁဵတ်းပၼ် ႁႂ်ႈၵူၼ်းလၢတ်ႈၵႂၢမ်းၵၵ်း၊ ၵူၼ်းၸိူဝ်းဢမ်ႇလၢတ်ႈလႆႈ ၸႅင်ႈၸႅင်ႈလႅင်းလႅင်းၸိူဝ်းၼႆႉ ႁႂ်ႈၸၢင်ႈလၢတ်ႈလႆႈ ၸၢင်ႈၵပ်းသိုပ်ႇတိတ်းတေႃႇပိူၼ်ႈလႆႈမႃး ဝႃႈၼႆယဝ်ႉ။
ၼႂ်းၵႃႈ ၵူၼ်းၸိူဝ်းဢၼ်ႁဵတ်းလႆႈမႃး ၸိူင်ႉၼင်ႇၼႆၼၼ်ႉ ၶဝ်ႈပႃး George Coster ၵေႃႉၼိုင်ႈယဝ်ႉ။ တႄႇဢဝ်ယၢမ်းၼၼ်ႉမႃး လၢတ်ႈသဵင်လူမ်း လၢတ်ႈသွပ်ႉသႅပ်ႉၵူၺ်းယဝ်ႉ။ မၼ်းၸႂ်ႉ ပၢႆးၸၢင်ႈ Whispp သေၵေႃႈ ယၢမ်းလဵဝ်ၼႆ မၼ်းၸၢင်ႈလၢတ်ႈလႆႈ မိူၼ်ၼင်ႇသဵင် မိူဝ်ႈမၼ်းပႆႇပဵၼ်တၢင်းပဵၼ်ၼၼ်ႉယဝ်ႉ ဝႃႈၼႆ။ ၵူၼ်းၸိူဝ်းဢၼ်ၸႂ်ႉ app ၼႆႉ ၶႂ်ႈၸႂ်ႉသဵင်ဢၼ်ၶဝ် လႆႈၸႂ်ၼၼ်ႉၵေႃႈလီ ဢမ်ႇၼၼ် ၶႂ်ႈၸႂ်ႉသဵင် ဢၼ်မိူဝ်ႈၸဝ်ႈၵဝ်ႇ တိုၵ်ႉယူႇလီၼၼ်ႉၵေႃႈလီ ၸၢင်ႈလိူၵ်ႈသေ ၸႂ်ႉၵႂႃႇလႆႈ ၼႆယဝ်ႉ။ ရုတ်ႉvan Noorden တႄႉ မၼ်းလႆႈဢဝ် ဢွမ်လူမ်းမၼ်း ဢွၵ်ႇပႅတ်ႈသေ ၽႃႇတတ်းယူတ်းယႃဝႆႉယဝ်ႉ။ ၵူၺ်းၵႃႈဝႃႈ ယွၼ်ႉပိူဝ်ႈ ပၢႆးၸၢင်ႈ Whispp ဢၼ်ၸႂ်ႉ AI ၼၼ်ႉလႄႈ မၼ်းၵေႃႈ ၶိုၼ်းဢဝ် သဵင်ႈငဝ်ႈတိုၼ်းမၼ်းသေ လၢတ်ႈၵႂၢမ်းလႆႈယဝ်ႉ။ မၼ်းၶိုၼ်းဢဝ်သဵင်မၼ်းသေ လၢတ်ႈလႆႈ ၵပ်းသိုပ်ႇပိူၼ်ႈလႆႈ ၵူႈၶၢဝ်းယဝ်ႉ။ van Noorden ၼႆႉ ၸႂ်ႉဢႅပ်ႉၼႆႉသေ ၸၢင်ႈလၢတ်ႈၽူင်းလႆႈ၊ ၸၢင်ႈဢဝ် ဝီႇတီႇဢူဝ်ႇၶေႃးလ် သေ တၢမ်တူဝ်ၸဝ်ႈၵဝ်ႇ လၢတ်ႈလႆႈ ၼၼ်ႉယဝ်ႉ။
ၽူႈႇတႄႇတင်ႈၶွမ်ႇပၼီႇ Joris Castermans မွၵ်ႇလၢတ်ႈဝႆႉၼင်ႇၼႆ။ “လွင်ႈလီမၼ်းတႄႉ ၸၢင်ႈလၢတ်ႈၵႂၢမ်းလႆႈ ဢမ်ႇၵိုတ်းဢမ်ႇလိုဝ်ႈ မိူၼ်ၵဝ်ႇ ၼၼ်ႉယဝ်ႉ။ ယွၼ်ႉၼၼ်လႄႈ လွင်ႈယိူင်းဢၢၼ်းႁဝ်းၶႃႈတႄႉ တႃႇႁႂ်ႈ Whispp app ၼႆႉ ၸႂ်ႉလႆႈ တီႈ သမၢတ်ႉၽူင်း၊ လႅပ်ႉတွပ်ႉ တီႈ တူဝ်ႈလူၵ်ႈၼၼ်ႉယဝ်ႉ“။ Castermans လၢတ်ႈဝႃႈ ပၢႆးၸၢင်ႈဢၼ်ၼႆႉၼႆႉ မၼ်းႁဵတ်းပၼ် ႁႂ်ႈၵူၼ်းပဵၼ်ၶဝ် လႆႈလၢတ်ႈၵႂၢမ်းလီလီၵူၺ်းသေဢမ်ႇၵႃး ႁဵတ်းႁႂ်ႈၸၢတ်ႈပၢၼ်ၶဝ် တိူဝ်းလီၶိုၼ်ႈမႃး ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
- VOA News. "စကားပြောခက်ခဲသူတွေအတွက် AI နည်းပညာ" — VOA News, March 27, 2024
