Jump to content

Wn/shn/ပၢင်ၵုမ်လူင် G7 တႄႇတီႈ မိူင်းဢီႇတႃႇလီႇ

Add links
From Wikimedia Incubator
< Wn‎ | shn
Wn > shn > ပၢင်ၵုမ်လူင် G7 တႄႇတီႈ မိူင်းဢီႇတႃႇလီႇ

ဝၼ်းသုၵ်း၊ ၸုၼ်ႇ 14၊ 2024

လိၵ်ႈႁွမ်တွမ် ၸိူဝ်းၵဵဝ်ႇၵပ်း
ဢွင်ႈတီႈ မိူင်းဢီႇတႃႇလီႇ
ႁူမ်ႈသၢင်ႈ!
Wn/shn/ဢီႇတႃႇလီႇ
Wn/shn/ဢီႇတႃႇလီႇ
ၽူႈဢွၼ်ႁူဝ် မိူင်း G7 ၸိူဝ်းၶိုၼ်ႈႁွတ်ႈမႃး ပၢင်ၵုမ် တီႈ ဢီႇတႃႇလီႇ

ပၢင်ၵုမ်လူင် G-7 ဢၼ်ပဵၼ် မိူင်းမၢၵ်ႈမီးသုတ်း 7 မိူင်း ၼႂ်းလူၵ်ႈၼႆႉ လႆႈတႄႇတီႈ ဝဵင်း Borgo Egnazia မိူင်းဢီႇတႃႇလီႇၼၼ်ႉယဝ်ႉ။ ၸွမ်ၽွင်းလူင် ဢီႇတႃႇလီႇ Giorgia Meloni လၢတ်ႈဝႃႈ ၸဝ်ႈၸွမ်ၸိုင်ႈ ဢမႄႇရိၵၢၼ်ႇ ၵျူဝ်းပၢႆႇတႅၼ်ႇ လႄႈ ၽူႈဢွၼ်ႁူဝ် G7 ၶဝ်ၼႆႉ မိူဝ်ႈပႆႇထိုင် ပၢင်ၵုမ်ၼၼ်ႉ “တေဢဝ် လွင်ႈပၢင်တိုၵ်း ယူႇၶရဵၼ်း လႄႈ ပၢင်တိုၵ်း ဢၼ်ပဵၼ်ယူႇတီႈ ပွတ်းဢွၵ်ႇတွၼ်ႈၵၢင်ၼၼ်ႉ ဝႆႉပဵၼ်ပိူင်ယႂ်ႇသေ တေ ဢုပ်ႇဢူဝ်းၵၼ်ၵႂႃႇ“ ဝႃႈၼႆယဝ်ႉ။

ၸွမ်ၽွင်းလူင် Giorgia Meloni လၢတ်ႈဝႃႈ တေဢုပ်ႇဢူဝ်း လွင်ႈၵူၼ်းၸိူဝ်းလုၵ်ႉလိုမ်ဢႃႇၾရိၵႃႉသေ ၶဝ်ႈယူးရူပ်ႉမႃး ယူႇသဝ်း ဢမ်ႇပဵၼ်တၢင်းၵၢၼ်၊ တႃႇႁဵတ်းဝႆႉ ၼင်ႇႁိုဝ် ၵွင်ႉသၢၼ်လွင်ႈသူင်ႇၵုၼ်ႇၵျၢမ်း တေဢမ်ႇလႆႈၶၢတ်ႇ တွၼ်ႈတႃႇ ႁဵတ်းဢွၵ်ႇ ၶူဝ်းၵုၼ်ႇ၊ လွင်ႈတႃႇၸႂ်ႉ ၺၢၼ်ႇၽၢမ်း AI ႁႂ်ႈမီးလွင်ႈလွတ်ႈၽေးလီ ၸိူဝ်းၼႆႉ ဝႃႈၼႆယဝ်ႉ။

ဝၼ်းထူၼ်ႈၼိုင်ႈ ပၢင်ၵုမ်လူင် ဢၼ်ႁဵတ်း ၸုၼ်ႇ 13 တေႃႇ 15 ၼၼ်ႉ ၽူႈဢွၼ်ႁူဝ် G7 ၶဝ် လႆႈဢုပ်ႇဢူဝ်းၵၼ်တင်း ၸဝ်ႈၸွမ်ၸိုင်ႈယူႇၶရဵၼ်း Volodymyr Zelenskiy ၼၼ်ႉယဝ်ႉ။ ထႅင်ႈဝၼ်းၼိုင်ႈမႃး တေဢုပ်ႇလွင်ႈၵဵဝ်ႇၵပ်း ဢိၼ်ႇတူဝ်ႇပၸိၽိၵ်ႉသေ ၵဵဝ်ႇၵပ်းလူၺ်ႈ ၽေးၶဵၼ်ပၢႆးမၢၵ်ႈမီးၵေႃႈ တေဢုပ်ႇပႃးဝႃႈၼႆယဝ်ႉ။ တီႈပၢင်ဢုပ်ႇဢူဝ်း ဢၼ်ၵဵဝ်ႇၵပ်း ၺၢၼ်ႇၽၢမ်း AI ၼၼ်ႉတႄႉ မုၼ်ၸဝ်ႈပူပ်ႉ ၾရၢၼ်ႇသိသ်ႉ တေဢွၼ်ႁူဝ်ဢုပ်ႇဢူဝ်းၵႂႃႇ ဝႃႈၼႆယဝ်ႉ။

ၽွင်းလူင်ၵၢၼ်ငိုၼ်းတွင်း ၵျႃႇမၼီႇ လႆႈပိုၼ်ၽၢဝ်ႇ မိူဝ်ႈဝၼ်းပုတ်ႉ မိူဝ်ႈပႆႇတႄႇပၢင်ၵုမ် G7 လူင်ႈၼႃႈ ဝၼ်းၼိုင်ႈဝႃႈ ၼႂ်းၵႄႈမိူင်း G7 ၶဝ် လႆႈၽွမ်ႉၸႂ် တႃႇၵူႈပၼ်ငိုၼ်း ယူႇၶရဵၼ်း တႃႇ 50 ပီႇလီႇယႅၼ်ႇ ၼႂ်းၵႃႈ ၸူဝ်ႈ ပီ 2024 ပႆႇမူတ်းၼၼ်ႉ ဝႃႈၼႆယဝ်ႉ။ တေဢဝ် ငိုၼ်းယွတ်ႈ ဢၼ်လႆႈမႃးတီႈ ငိုၼ်းတွင်း လႄႈ ၶွင်ပိူင် ဢၼ်ရတ်ႈသျႃး ဢဝ်ဝႆႉတီႈ ၵၢၼ်ငိုၼ်းတွင်း တီႈ မိူင်း G7 ၼၼ်ႉ ႁဵတ်းပဵၼ်ၼင်ႇ ငိုၼ်းၵမ်ႉသေၵေႃႈ တေၵူႈပၼ် ယူႇၶရဵၼ်း ဝႃႈၼႆယဝ်ႉ။

ၸဝ်ႈၸွမ်ၸိုင်ႈ ပၢႆႇတႅၼ်ႇ လႄႈ ၸဝ်ႈၸွမ်ၸိုင်ႈယူႇၶရဵၼ်း Zelenskiy ၶဝ် မီးတႃႇလူင်းလၢႆးမိုဝ်း လိၵ်ႈႁူမ်ႈမၢႆ မိူင်းသွင်မိူင်း ဢၼ်မီး ၶေႃႈမၼ်ႈၸႂ် ၽၢႆႇၵႅတ်ႇၵင်ႈ လႄႈ ၽၢႆႇႁူမ်ႇလူမ်ႈ ၶၢဝ်းယၢမ်း တွၼ်ႈတႃႇ ယူႇၶရဵၼ်းၼၼ်ႉၼႆယဝ်ႉ။


ငိူၼ်ႈငဝ်ႈတိုၼ်း[edit | edit source]

Retrieved from "https://incubator.wikimedia.org/w/index.php?title=Wn/shn/ပၢင်ၵုမ်လူင်_G7_တႄႇတီႈ_မိူင်းဢီႇတႃႇလီႇ&oldid=6305183"