Wn/shn/တႃႇလီႇပၢၼ်ႇၶဝ် ယိုၼ်ယၼ် လွင်ႈတိၺွပ်းၵူၼ်းမိူင်း ဢမႄႇရိၵၢၼ်ႇ သွင်ၵေႃႉ
ဝၼ်းၸၼ်၊ ဢေႇပရႄႇ 1၊ 2024
.svg)
မိူဝ်ႈဝၼ်းဢႃးတိတ်ႉၼၼ်ႉ လူင်ပွင်ၸိုင်ႈ တႃႇလီႇပၢၼ်ႇ ယိုၼ်ယၼ်ဝႃႈ ၶဝ်တိၺွပ်းဝႆႉ ၵူၼ်းၼွၵ်ႈမိူင်းၵမ်ႉၼမ် ဢိၵ်ႇတင်း ၵူၼ်းမိူင်းဢမႄႇရိၵၢၼ်ႇ 2 ၵေႃႉ ယွၼ်ႉလူၺ်ႈ ဢမ်ႇၸွမ်းမၢႆမီးပၵ်းပိူင် တီႈမိူင်း ဢႃႇၾၵၢၼ်ႇၼီႇသတၢၼ်ႇ ဝႃႈၼႆယဝ်ႉ။ ၽူႈမီးသုၼ်ႇလၢတ်ႈ တႃႇလီႇပၢၼ်ႇ Zabihullah Mujahid မွၵ်ႇလၢတ်ႈ တီႈ ထၢၼ်ၵၢၼ်ပွႆႇသဵင်ဝႃႈ လွင်ႈဢၼ် တိၺွပ်းဝႆႉၵူၼ်းမိူင်းၶဝ်ၼၼ်ႉၵေႃႈ လႆႈပွင်ႇၶၢဝ်ႇဝႆႉ မိူင်းဢမႄႇရိၵၢၼ်ႇယဝ်ႉ ဝႃႈၼႆ။ ၵပ်းၵၢႆႇလူၺ်ႈ လွင်ႈတၢင်းႁူဝ်ယွႆႈမၼ်း လွင်ႈဝႃႈ ၸိူဝ်းတိၺွပ်းဝႆႉၼၼ်ႉ ပဵၼ်ၽႂ်ဢၼ်ဝႃႈၼၼ်ႉတႄႉ ဢမ်ႇလႆႈမွၵ်ႇလၢတ်ႈၵႂႃႇၼင်ႇၵဝ်ႇ။ ၼႂ်းၵႃႈ ၵူၼ်းဢမႄႇရိၵၢၼ်ႇ 2 ၵေႃႉ ဢၼ်ထုၵ်ႇတိၺွပ်းဝႆႉၼၼ်ႉ တႃႇၵေႃႉၼိုင်ႈႉတႄႉ ပဵၼ် Ryan Corbett ၼႆ ၸိူဝ်းပဵၼ် ပီႈၼွင်ႉဢူၺ်းၵေႃႉမၼ်းလႄႈ ၽူႈမီးပုၼ်ႈၽွၼ်းၶဝ်လၢတ်ႈဝႆႉဝႃႈၼၼ်။ ဢမႄႇရိၵၢၼ်ႇထႅင်ႈၵေႃႉၼိုင်ႈတႄႉ ဢမ်ႇပႆႇလႆႈႁူႉၸွမ်းၵွၼ်ႇ။
ၽူႈမီးသုၼ်ႇလၢတ်ႈ Mujahid မွၵ်ႇလၢတ်ႈ ထၢၼ်ၶၢဝ်ႇ Mujahid ဝႃႈ ၵူၼ်းၸိူဝ်းတၢင်ႇဝီႇသႃႇ တႃႇၶဝ်ႈမိူင်း ဢႃႇၾၵၢၼ်ႇၼီႇသတၢၼ်ႇၼႆႉ လူဝ်ႇလႆႈၸွမ်းပၵ်းပိူင် တႃႇလီႇပၢၼ်ႇၶဝ် ဝႃႈၼႆႉယဝ်ႉ။ လွင်ႈဢၼ်ဝႃႈ တိၺွပ်းဝႆႉ ၵူၼ်းဢမႄႇရိၵၢၼ်ႇ 2 ၵေႃႉဢၼ်ဝႃႈၼၼ်ႉၵေႃႈ ၼႆႉပဵၼ်ဢၼ်တႃႇလီႇပၢၼ်ႇၶဝ် မွၵ်ႇႁႂ်ႈၵူၼ်းတင်းၼမ်ႁူႉၸွမ်း ပဵၼ်ပွၵ်ႈဢွၼ်တၢင်းသုတ်းယဝ်ႉ။
ဢၼ် Corbett ထုၵ်ႇတိၺွပ်းၼႆႉ မၼ်းပဵၼ် ဝၢႆးသေ တပ်ႉမိူင်းဝၼ်းတူၵ်း ဢၼ်ဢမႄႇရိၵၢၼ်ႇ ဢွၼ်ႁူဝ်ၼၼ်ႉ လႆႈထွႆဢွၵ်ႇတီႈ ဢႃႇၾၵၢၼ်ႇၼီႇသတၢၼ်ႇယဝ်ႉသေ တႃႇလီႇပၢၼ်ႇၶဝ် ၶိုၼ်းဢုပ်ႉပိူင်ႇယဝ်ႉ ႁိုင် ၼိုင်ႈပီ ၸႄႇဢဝ် လိူၼ်ဢေႃးၵၢတ်ႉ ပီ 2022 ၼၼ်ႉယဝ်ႉ။ ၼင်ႇႁိုဝ် Corbett ပေႃးတေ မီးလွင်ႈႁူမ်ႇလူမ်ႈသေ လွတ်ႈဢွၵ်ႇမႃးလီလီၼၼ်ႉ ႁႂ်ႈတိူဝ်းၶတ်းၸႂ်ပၼ်ၼႆ ၸိူဝ်းပဵၼ် မုင်ႉႁိူၼ်း Corbett လႆႈတုၵ်းယွၼ်းထိုင် ၸုမ်းလူင်ပွင်ၸိုင်ႈ ပၢႆႇတႅၼ်ႇဝႆႉယူႇ။
ထၢၼ်ၵၢၼ်ၼွၵ်ႈမိူင်း ဢမႄႇရိၵၢၼ်ၵေႃႈ လႆႈမွၵ်ႇလၢတ်ႈ မိူဝ်ႈဝၼ်းၽတ်းၼၼ်ႉဝႃႈ ၼင်ႇႁိုဝ် ၵူၼ်းမိူင်းဢမႄႇရိၵၢၼ်ႇတင်းသဵင်ႈ ၸိူဝ်းထုၵ်ႇၺွပ်းဝႆႉဢမ်ႇမႅၼ်ႈၸွမ်းတြႃး ၵႃႈတီႈ ၼွၵ်ႈမိူင်းၼၼ်ႉ တႃႇၶဝ် တေၶိုၼ်းႁွတ်ႈၽႅဝ်မႃးလႆႈလီလီၼၼ်ႉ တိုၵ်ႉၶတ်းၸႂ် ႁဵတ်းသၢင်ႈယူႇ ဝႃႈၼႆယဝ်ႉ။
ငိူၼ်ႈငဝ်ႈတိုၼ်း
- Ayaz Gul. "Taliban Confirm 2 Americans Among Foreign Detainees in Afghanistan" — VOA News, March 31, 2024
- VOA News. "ကန်နိုင်ငံသားနှစ်ဦးဖမ်းဆီးမှု တာလီဘန်အတည်ပြု" — VOA News, April 1, 2024
