Wn/shn/တီႈပၢင်လိူၵ်ႈတင်ႈ မႅၵ်ႇသီႇၵူဝ်ႇ ၸဝ်ႈၸွမ်ၸိုင်ႈယိင်း လႅပ်ႈတေဢွင်ႇပႄႉ ဢွၼ်တၢင်းသုတ်း

ဝၼ်းဢင်းၵၢၼ်း၊ ၸုၼ်ႇ 4၊ 2024 

ၽူႈၵွၼ်းဝဵင်းၵဝ်ႇ မႅၵ်ႇသီႇၵူဝ်ႇသီးတီး Sheinbaum

ၵေႃပွင်ၵၢၼ်ပၢင်လိူၵ်ႈတင်ႈၸိုင်ႈမိူင်း မွၵ်ႇလၢတ်ႈဝႃႈ ၸွမ်းလူၺ်ႈ ၽွၼ်းၶႅပ်းၵၢင်ၸႂ် ပၢင်လိူၵ်ႈတင်ႈ မိူင်းမႅၵ်ႇသီႇၵူဝ်ႇ ဢၼ်ပိုၼ်ဢွၵ်ႇပဵၼ်တၢင်းၵၢၼ် မိူဝ်ႈတွၼ်ႈၸဝ်ႉ ဝၼ်းၸၼ်ၼၼ်ႉ Claudia Sheinbaum ဢၼ်ပဵၼ် တႅၼ်းၽွင်း ပႃႇတီႇယိပ်းဢႃႇၼႃႇယၢမ်းလဵဝ်ၼၼ်ႉ လႆႈဝႆႉ ၶႅပ်းၵၢင်ၸႂ် ၼႂ်းၵႄႈ ႁူဝ်ပၢၵ်ႇ 58 လႄႈ 60 ဝႃႈၼႆယဝ်ႉ။

ဝၢႆးသေ လွင်ႈပိုၼ်ၽၢဝ်ႇ ၽွၼ်းၶႅပ်းၵၢင်ၸႂ်ယဝ်ႉ Sheinbaum ဢၼ်ပဵၼ် ၽူႈၵွၼ်းဝဵင်းၵဝ်ႇ ဝဵင်းလူင်မႅၵ်ႇသီႇၵူဝ်ႇသီးတီးၼႆႉ မၼ်းလႆႈမွၵ်ႇလၢတ်ႈၸူး ၸိူဝ်းပဵၼ် ၽူႈၵမ်ႉထႅမ်မၼ်းဝႃႈ ၼႂ်းၵႃႈ ပိုၼ်းမႅၵ်ႇသီႇၵူဝ်ႇ ၶၢဝ်းတၢင်း 200 ပီမႃးၼႆႉ ယွၼ်ႉပိူဝ်ႈ မၼ်းလႆႈပဵၼ် ၸဝ်ႈၸွမ်ၸိုင်ႈၼၢင်းယိင်း ၵေႃႉဢွၼ်တၢင်းသုတ်းလႄႈ မၼ်းပဵၼ် ဢၼ်ယိၼ်းၸူမ်းၶွပ်ၸႂ်တႄႉဝႃႈၼႆယဝ်ႉ။ ဢၼ်ပဵၼ် ၽူႈၶႄႉၶဵင်ႇမၼ်း တႅၼ်းၽွင်းသၽႃးၼိူဝ် ၸဝ်ႈၵၢၼ်ပၢႆးမၢၵ်ႈမီး Xóchitl Gálvez ၼၼ်ႉတႄႉ လႆႈၶႅပ်းၵၢင်ၸႂ် ႁူဝ်ပၢၵ်ႇ 26 တေႃႇ 28 သေ ဢၼ်ပဵၼ် ၽူႈၼပ်ႉတိုဝ်းဝႃႇတထၢၼ်ႈၵၢင် Xóchitl Gálvez ၼၼ်ႉတႄႉ လႆႈၶႅပ်းၵၢင်ၸႂ် ႁူဝ်ပၢၵ်ႇ 9 တေႃႇ 10 ပၢႆယဝ်ႉ။

ၸွမ်းလူၺ်ႈ ၽွၼ်းၶႅပ်းၵၢင်ၸႂ် ႁူဝ်တႄးမၼ်းသေ Sheinbaum ပႃႇတီႇ Morena ၼႆႉ လႆႈဢွင်ႈတီႈၵမ်ႉပႃႈၼမ် ၵႃႈတီႈ သၽႃးၶွၼ်ႇၵရႅတ်ႉမႅၵ်ႇသီႇၵူဝ်ႇ တင်းသွင်ထၢၼ်ႈယဝ်ႉ။ Sheinbaum လႆႈပၼ်ၵႂၢမ်းမၼ်ႈဝႃႈ ၵၢၼ်ပၼ်ၶႅပ်းၵၢင်ၸႂ် ၼႆႉ မၼ်းၼႄၽၢင်ႁၢင်ႈ လွင်ႈဝႃႈ မႅၵ်ႇသီႇၵူဝ်ႇၼႆႉ ပဵၼ်မိူင်း တီႇမူဝ်ႇၶရေႇသီႇ မိူင်းၼိုင်ႈသေ မၼ်းၼၢင်းလႆႈယိၼ်းၸူမ်း ၵူၼ်းမိူင်းမႅၵ်ႇသီႇၵူဝ်ႇတႄႉသေ၊ မၼ်းၼၢင်းတေသၢင်ႈမိူင်းၵႂႃႇ ႁႂ်ႈမီးလွင်ႈတြႃးၽဵင်ႇပဵင်း လႄႈ ႁႂ်ႈဝၢၼ်ႈမိူင်းတိူဝ်းတွၼ်းၶိုၼ်ႈယႂ်ႇၵႂႃႇ ဝႃႈၼႆယဝ်ႉ။

ငိူၼ်ႈငဝ်ႈတိုၼ်း

• VOA News. "Meet Claudia Sheinbaum, Mexico’s first female president" — VOA News, JUNE 3, 2024
• Vanessa Buschschlüter. "Mexico elects Claudia Sheinbaum as first woman president" — BBC News, JUNE 3, 2024
• Thomas Graham. "Mexico’s Claudia Sheinbaum poised to secure supermajority after historic win" — The Guardian, JUNE 3, 2024
• Kylie Madry and Valentine Hilaire. "Historic win gives Mexico's Sheinbaum a landslide, spooks markets" — Reuters, JUNE 4, 2024
• María Verza and Mark Stevenson. "Market jitters follow election of first woman as Mexico’s president, Claudia Sheinbaum" — Reuters, JUNE 4, 2024
• Tara John and CNN en Español. "Claudia Sheinbaum elected Mexico’s first female president, preliminary results show" — CNN, JUNE 3, 2024