Wn/se/Norgga soahtegirdi gahččan Ruŧŧii

From Wikimedia Incubator
< Wn‎ | seWn > se > Norgga soahtegirdi gahččan Ruŧŧii
Jump to: navigation, search

Bearjadat, 16.3.2012

Hercules-soahtegirdi láhppon Ruŧŧii[edit]

Ruoŧa Gironis leat soahtegirdiid hárjehallamat. Norggas lei boahtimin Hercules-soahtegirdi Evenáššis Gironii, muhto Hovedredningssentralen i Nord-Norge Budejjus oaččui ikte dii. 15.50 dieđu Gironis ahte girdi ii lean boahtán Girona girdišiljui nu go lei plánejuvvon. Ikte eahkedis sihkkarastojuvvui, ahte girdi lei gáhčan. Norgga Forsvaret sáddii ikte eahkedis dieđu, ahte buot 5 olbmo geat ledje girdis leat jápmán. Vehá maŋŋel Forsvaret válddii dieđu ruovttoluotta, go dieđu ii sáhte sihkkarastit ovdal go girdi gávdno. Girddi galggášii álgit sáddet heahtesignálaid go girdi gáhčá. Ohcamis leat mielde ollu Norgga, Ruoŧa, Dánmárkku, ja USA girdit ja helikopterat. Ruoŧa televisio (SVT) lea ožžon dieđu, ahte láhppon girdi sáhttá lean oidnon mannan ija Tarfalas Kebnekaise-duottara lahka. Girdi lea ain láhppon.

Gáldut[edit]