Wn/scn/Treni ntâ Sarausa-Catania n ritardu pô malutempu

jovidìa 1 d'uttùviru 2015

Treni ntâ Sarausa-Catania n ritardu pô malutempu. A càusa dô malutempu ca curpìu la Sicilia, a pàrtiri dê 6 dâ matina, ci fu na serii di guasti ê sistemi di gistioni dâ circulazzioni ferruviaria ntâ lìnea Sarausa-Catania. Lu trattu ferruviariu ntra Catania e Lintini nun appi rigularità e mancu chiddu dê treni ca vannu a Missina.

Nun ci fu nudda cancillazzioni di cursi, ma ci foru ritardi finu a 100 minuti pi arcuni treni. Li squatri tècnichi di RFI àppiru a ntirvèniri. Li guasti causati dô malutempu foru riparati e doppu foru ripristinati li cunnizzioni di circulazzioni rigulari.