Wn/scn/Tirrurismu, tri furisteri ndagati dâ Digos d'Enna

From Wikimedia Incubator
< Wn‎ | scn
Wn > scn > Tirrurismu, tri furisteri ndagati dâ Digos d'Enna

jovidìa 22 d'uttùviru 2015


Na bannera tirrurìstica
Na bannera tirrurìstica

Doppu la cattura dô pakistanu Muhammad Bilal, a Sailettu, n pruvincia di Màntuva, accusatu d'istigazzioni a dilìnquiri aggravata dê finalità di tirrurismu e di l'utilizzu dô menzu nfurmàticu, la nchiesta dâ Digos d'Enna s'allaricau. La Procura di Caltanissetta ndaga puru a dui àutri extracumunitari, unu di Tràpani e l'àutru di Comu. Ci foru pirquisizzioni, e si scummigghiau c'usaru Facebook pi diffùnniri idìi ncuraggiannu lu tirrurismu e n particulari chiddi di l'organizzazzioni pakistana "Sipah-e-Sahaba Pakistan".

Muhammad Bilal putissi èssiri trasfirutu ô càrziru di Caltanissetta ntê pròssimi uri.

Fonti[edit | edit source]