Wn/scn/Tirrimotu a Palermu, nuddu dammaggiu rilivanti

From Wikimedia Incubator
< Wn‎ | scnWn > scn > Tirrimotu a Palermu, nuddu dammaggiu rilivanti
Jump to: navigation, search

venniridìa 13 d'aprili 2012

Tirrimotu a Palermu, nuddu dammaggiu rilivanti. Sta matina, ê 8:21, Palermu s'arrisvigghiau sutta l'oscillazzioni pruvucati d'un tirrimotu di magnitudu 4.2. Tanti citatini avvirteru la scutuliata, e scoli e uffici pùbblici foru fatti evacuari pi pricauzzioni. La scutuliata fu avvirtuta videmma n pruvincia.

L'ipocentru fu lucalizzatu di l'Istituto Nazionale di Geofisica e Vulcanologia di Roma nel vasciu Tirrenu, a 12 chilòmitri dâ costa di Capaci, tra Palermu e Ùstica; la prufunnità carculata fu di circa 10 chilòmitri. Tri minuti doppu fu riggistrata na scutuliata d'assestamentu di magnitudu 2.4. Àutri sutuliati ê 9:15 (magnitudu 2.9) e a li 11:45 (magnitudu 3.1).

Nuddu dammaggiu, comuegghiè, fu assignalatu â prutizzioni civili, ca fici comuegghiè scattari sùbbitu lu pianu d'allerta. A tali prupòsitu, li squatri dê viggili dô focu nun àppiru a ntirvèniri.

L'ùrtima scutuliata rilivanti di tirrimotu avvirtuta a Palermu fu riggistrata ê 21:34 dô 25 di fivraru passatu.

Fonti[edit]