Wn/scn/Stati Uniti, Barack Obama manna nu missaggiu ê mussurmani

martidìa 27 di jinnaru 2009

Mèrica: Barack Obama scigghìu la tilivisioni àrabba Al-Arabiya pri mannàricci a diri ê mussurmani ca "li miricani non sunnu li nimichi d'iddi"; dissi macari ca iddu stissu criscìu nti l'Indunesia, nu paisi fattu cchiossai di mussurmani; appoi ci aripitìu di mpignàrisi pri ggh'iri quantu prima nta na capitali di nu granni paisi mussurmanu. Nta tutta la ntirvista tilivisiva, Obama desi a capiri ca voli ripigghiari a parrari, ca voli abbissari quantu vinni spasciatu nta ott'anni d'amministrazzioni Bush.