Wn/scn/Parcu dê Nèbbrudi, prumuzzioni di Capizzi e Cisarò

From Wikimedia Incubator
< Wn‎ | scnWn > scn > Parcu dê Nèbbrudi, prumuzzioni di Capizzi e Cisarò
Jump to: navigation, search

jovidìa 29 d'uttùviru 2015

Parcu dê Nèbbrudi - Rocchi dô Crastu

Lu Parcu dê Nèbbrudi è l'ària ambientali chiù vasta dâ Sicilia. La simana didicata ô tirritoriu dô Parcu dê Nèbbrudi, câ prisenza di tanti diligazzioni lucali, riggistrau un successu granni a l'accuminzata di sittèmmiru a l'Expo Milanu.

Ntô Parcu dê Nèbbrudi, li sagri didicati ê funci purcini e ô tartùfulu nìuru attìranu tantu pùbblicu e di visitatura. Ci fu na serii d'eventi pi valurizzari li prudutti tìpici lucali dâ natura.

A Cisarò, lu prugramma era riccu d'eventi, ntra nummirusi stand didicati ê tipicità lucali, e si riggistrau n'ìnnici di 30mila pirsuni n cità pâ sidicèsima edizzioni dâ sagra dô suinu nìuru e dâ funcia purcina dê Nèbbrudi.

Ntâ sirata di cunchiusioni, lu prisidenti dâ Riggiuni Siciliana Rusariu Crocetta era prisenti p'appuiari li Nèbbrudi e lu mpegnu pâ ligalità e pô sviluppu ntô tirritoriu.

Fonti[edit]