Wn/scn/Palermu, n'aèriu finisci fora pista

From Wikimedia Incubator
< Wn‎ | scnWn > scn > Palermu, n'aèriu finisci fora pista
Jump to: navigation, search

venniridìa 24 di sittèmmiru 2010

N'A320 dâ Windjet

Palermu, n'aèriu finisci fora pista. Nu ncidenti aèriu succidìu ô scalu "Falcone-Borsellino" di Palermu.

N'Airbus 319 dâ cumpagnìa low-cost Wind Jet cu 123 passaggeri a bordu pruvinienti di Roma niscìu fora pista mentri attirrava, causannu la cuntusioni lievi di na dicina di pirsuni. La spirienza pê passaggeri a bordu nun si tirminava. Prima un boatu forti, appoi grida e pànicu cu l'aèriu ca sbanna n vilucità e nesci fora pista.

Li succursi si pricipitaru istantaniamenti ntâ pista, facennu scìnniri li passiggeri dê scìddichi e purtànnuli ô nternu di l'ariuportu. Li càusi dô ncidenti nun sunnu ancora chiari. Quarchi escuriazzioni, corpi di zotta e na spadda lussata, chistu lu bilanciu dê firiti ca foru sùbbitu purtati ntê spitali palirmitani "Villa Sofia" e "Cervello" p'accirtamenti ultiriuri.

Lu pilota di l'Airbus sintenzia: «Ho avuto la sensazione che l'aeromobile sprofondasse». Lu pilota havi ê spaddi cchiù di quinnicimila uri di volu, accussì comu lu cupilota.

La prucura di Palermu grapìu na nchiesta supra lu ncidenti. La ndàggini è coordinata di Carlu Lenzi. Li supralochi dô menzu accuminzaru la sira.

Lu ncidenti, sicunnu la Wind Jet, fu causatu di na variazzioni dô tempu â ntrasatta duvuta ê cunnizzioni meteo mali ca c'èranu a Palermu (giuggiana forti e ventu). L'aèriu fu ammuttatu versu lu vasciu n fasi d'attirraggiu, s'esclùdinu errura dô pilota. Tuccau terra circa 500 metri prima dâ pista, si piegau supra un latu e lu pisu maiuri nta unu dê dui carreddi pustiriuri, nni causau la ruttura e la diviazzioni versu l'esternu dâ pista.

Fonti[edit]