Wn/scn/Nubbifraggiu ntô Missinisi

From Wikimedia Incubator
< Wn‎ | scnWn > scn > Nubbifraggiu ntô Missinisi
Jump to: navigation, search

venniridìa 2 d'uttùviru 2009

Nubifraggiu ntô Missinisi. Duranti lu pumiriggiu dô 1° d'uttùviru 2009 ntâ zona dô missinisi si virificau n'eventu meteorològgicu cu giuggiani di forti ntinzità. Li pricipitazzioni pruvucaru na frana mpurtanti che s'abbattìu principalmenti supra la frazzioni di Giampilieri Supiriuri, a circa 10 km a nord di Missina, unni sdirrubbau un custuni di cullina nteru supra l'abbitatu nicu distrudènnulu.

Ntô tardu pumiriggiu d'oi accuminzau arrè a chiòviri tantu ca lu capu dô Dipartimentu Prutizzioni Civili, Guidu Bertolaso, avvirtìu la pupulazzioni ca putìssiru avìrici «novi sdirrubbamenti». Sicunnu lu vici capu dô Dipartimentu, Birnardu De Bernardinis, «in alcune zone sono caduti anche 220/230 millimetri di pioggia in tre-quattro ore».

Lu nubifraggiu curpìu duramenti macari la frazzioni di Briga Marina e lu cumuni di Scaletta Zanclea, unni sdirrubbau nu palazzu. L'eventu nteru pruvucau la morti di 18 pirsuni, mentri 35 risùltanu dispersi.

Nta l'assittata d'oi dô Cunzigghiu dê Ministri fu dichiaratu lu statu d'emirgenza pi la ntera pruvincia di Missina.

Fonti[edit]