Jump to content

Wn/scn/Ndràngheta: sciotu lu cunzigghiu cumunali di Riggiu Calabria

Add links
From Wikimedia Incubator
< Wn | scn
Wn > scn > Ndràngheta: sciotu lu cunzigghiu cumunali di Riggiu Calabria

martidìa 9 d'uttùviru 2012

Palazzu San Giorgiu, sedi dô Cumuni di Riggiu Calabria

Lu Cunzigghiu cumunali di Riggiu Calabria fu sciotu pi cuntiguità cu organizzazzioni mafiusi (ex art. 143 d.lgs. 267/2000 Liggi contra li nfiltrazzioni mafiusi nta l'enti lucali), lu pruvvidimentu fu aduttatu stu pumiriggiu dô Cunzigghiu dê Ministri supra pruposta dô Ministru dô Nternu Anna Marìa Cancellieri ca a sò vota basau la dicisioni ntâ rilazzioni dô Prifettu di Riggiu Calabria ridatta ô tèrmini dâ ndàggini amministrativa svolta di na Cummissioni prifittizzia d'accessu pressu lu cumuni riggitanu. La Cummissioni d'accessu ricustruìu li cuntiguità câ Ndràngheta, ndividuati suprattuttu ntê sucità participati quali la Multiservizi e la Leonia.

Dicisioni mpurtanti chidda aduttata dô Guvernu cunzidirannu ch'è la prima vota ca veni aduttata tali misura pû Capulocu di Pruvincia.

L'enti lucali era rettu di circa deci anni dô centrudritta nfatti dô 2002 ô 2010 Sìnnacu dâ cità fu l'attuali Prisidenti dâ Riggiuni Calabria Giuseppi Scopelliti appoi un annu di riggenza di parti dô vici Giuseppi Raffa e ora Dimetriu Arena, fideli fideli dô Guvirnaturi Scopelliti, eliggiutu ntô maiu 2011 cu chiù dô 54% dê voti.

Di dumani hannu a èssiri a l'òpira li tri Cummissari prifittizzî ca svòlginu, pi nu pirìudu di 18 misi prurugàbbili finu a 24, cuntimpuraniamenti l'attività di Sìnnacu, Junta e Cunzigghiu cumunali; Li cummissari hannu a bunificari n'enti ca sicunnu quantu trapilatu a sèguitu dê ndàggini dâ maggistratura e di l'auturità amministrativi era fortimenti nfluinzatu dâ ndràngheta di tantìssimi anni.

Fonti

[edit | edit source]
Retrieved from "https://incubator.wikimedia.org/w/index.php?title=Wn/scn/Ndràngheta:_sciotu_lu_cunzigghiu_cumunali_di_Riggiu_Calabria&oldid=3444288"