Wn/scn/Lu Palazzu Bonucori graputu ô pùbblicu
sabbatudìa 10 d'uttùviru 2015
È fissata pi martidìa 13 d'uttùviru ê 20, la naugurazzioni dô Palazzu Bonucori ntrê pircursi di Le Vie dei Tesori, lu Festival prumvutu cu diversi stituzzioni, e c'havi cursu pi tri àutri week end finu a l'1 di nuvèmmiru.
Pi l'occasioni Chiazza Pretoria havi a èssiri nvistuta di videomapping ntê palazzi, cresi e risidenzi attornu. Lu Palazzu Bonucori havi a gràpiri lu sabbatudìa e la duminicadìa dê 10,30 ê 13 e ê 14,30 ê 18.
Li mmàggini dê tisori eterni dâ Sicilia si sfògghianu nta video wall enormi: lu ciclu dô granu, l'Òpera dî pupi, la vita dê tunnari, li culura sulari dê ciràmichi tradizziunali, la cultivazzioni dâ racina Zibbibbu. Li studi dô pueta e antropòlugu Ignazziu Buttitta sunnu traduciuti n mmàggini macari.
Lu museu prividi n'itinirariu timàticu suddivisu n ambienti, cu siquenzi video wall pi 67 minuti di pruiezzioni supra l'Ìsula.
Fonti[edit | edit source]
- «Le vie dei Tesori, aperte al pubblico le bellezze di Palazzo Bonocore» – Giornale di Sicilia, 10 d'uttùviru 2015