Wn/scn/La panella, na pitanza ca cunquista a tutti
venniridìa 2 d'uttùviru 2015
La panella, dô pòpulu vasciu ê ricchi, na pitanza ca cunquista a tutti. La storia di sta pitanza antica rimanna a l'àrabbi ca duminaru la Sicilia cchiù di milli anni fa (a cavaddu ntra lu nonu e l'unnicèsimu sèculu). Chiddi macinàvanu li cìciri pi fari farina ca ammiscàvanu cu acqua pi fàrila còciri ntô focu. A Palermu, ntê sèculi siguenti, si priparava la panella comu pitanza pi sfamari lu pòpulu vasciu. Ma oi puru li classi suciali bonustanti màncianu sta pitanza. Luiggi Pirandello, Liunardu Sciascia, Giuvanni Guttuso e tanti òmini pulìtici taliani o straneri manciaru la panella abbattennu accuddì qualsiasi barriera suciali. Ô sòlitu li panelli si gùstanu cô pani palirmitanu di tipu muffuletta o mafalda. Esisti macari na virsioni duci china di crema giarna e cu zùccaru ca veni priparata pô jornu di Santa Lucìa (lu 13 di dicèmmiru). Tannu, lu panillaru stava ntê strati câ sò carretta.