Wn/scn/L'abbattimentu dê cignali ntô Parcu dê Madunìi

duminicadìa 1 di nuvèmmiru 2015

Doppu lu casu tràggicu di Sarvaturi Rinaudo, lu pinziunatu mortu doppu aviri statu aggridutu dûn cignali ntê munti susu Cifalù, l'Assimbrea Riggiunali Siciliana appruvau na liggi supra li pruciduri d'abbattimentu dê porci sarvàtici ntô tirritoriu madunita. Fini nuvèmmiru havi a èssiri opirativu lu pianu d'abbattimentu dê cignali organizzatu dô Parcu dê Madunìi. Accussì, dui jorna fa fu pubblicatu un bannu, ca nforma a tutti l'organismi ca s'hannu a occupari cuncretamenti d'abbàttiri li cignali, zoè assuciazzioni, corpu furistali, guardiaparcu, guardii vinatorii pruvinciali, viggili urbani munuti di patintinu vinatoriu e li prupitari dê latifunni privati.

Fonti

Anna Sampino «L'abbattimento dei cinghiali nel Parco delle Madonie, slitta alla fine del mese» – Giornale di Sicilia, duminicadìa 1 di nuvèmmiru 2015