Wn/scn/Ginevra, 420 càrciri ammucciati nti l'Iraq

jovidìa 30 d'uttùviru 2008

Ginevra: Nti l'Iraq ci sunnu chiossai di 420 càrciri ammucciati di cui nuddu nni sapi nenti. Lu dicìu aoggi lu parlamintari irachenu Mohammad Al-Daini ê jurnalista ntô mentri di nu cunvegnu priparatu di l'urganizzazzioni non cuvirnativa Alkarama. Lu parlamintari cuntàu macari ca nta ssi càrciri li cunnizzioni dî carzarati sunnu mprissiunanti e dicìu ancora ca ci sunnu pri cuntìnuu ammazzatini e viulenzi sissuali. Pri comu dici iddu, di quannu ci fu la mmasioni dâ Mèrica ntô 2003, hannu murutu 1,5 miliuna d'iracheni.