Wn/scn/Cilentu: ammazzatu nta n'agguatu Àngilu Vassallo, sìnnacu di Pòllica

From Wikimedia Incubator
< Wn‎ | scnWn > scn > Cilentu: ammazzatu nta n'agguatu Àngilu Vassallo, sìnnacu di Pòllica
Jump to: navigation, search

lunidìa 6 di sittèmmiru 2010

Turri Caleu pressu Acciaroli, lu burgu cilintanu ntô quali avvinni l'agguatu

Àngilu Vassallo, 57 anni, sìnnacu di Pòllica, fu ammazzatu aieri notti a Acciaroli, attornu ê 2, mentri turnava n casa.

L'omu, notu pô sò mpegnu pulìticu e ambientalista, fu curputu di nummirusi corpi d'arma di focu. Pê mudalità esicutivi pari n'agguatu di natura camurrìstica. Fu junciutu di armenu novi pruièttili càlibbru 9, ca rumperu lu finistrinu di l'autumòbbili ca stava guidannu. Lu corpu crivillatu di corpi fu attruvatu dô frati, allarmàtusi pô sò ritardu.

Li ndàggini sunnu affidati ô sustitutu prucuraturi Arfredu Greco, dâ Prucura dâ Ripùbblica di Vallu dâ Lucania, ca esprimìu la mprissioni di n'omicidiu di stampu camurrìsticu, cô quali si vosi curpiri a cu comu Àngilu Vassallo, era cunzidiratu nu sìmmulu dâ lotta a l'illigalità.

L'attività pulìtica di Vassallo l'avìa purtatu a ricòpriri chiù voti la càrrica di sìnnacu di Pòllica, chidda di prisidenti dâ Cumunità muntana e chidda, attualmenti ancora ditinuta, di prisidenti dâ Cumunità dô parcu, òrganu statutariu, cunzurtivu e prupusitivo, dô Parcu Nazziunali dô Cilentu e Vallu di Dianu, ca cumprenni tutti li rapprisintanti di l'enti lucali ca lu tirritoriu ricadi l'ària prutiggiuta. Dda stissa attività ci avìa prucuratu arcuni dinunzi pi estursioni, cuncussioni e riati contra l'amministrazzioni dâ giustizzia. Tali episodi sunnu ora oggettu d'attinzioni di parti dê nvistigatura ô fini d'arricanuscìricci culligamenti evintuali cu l'agguatu.

La sarma d'Àngilu Vassallo fu trasfiruta ô Spitali civili di Vallu dâ Lucania, unni havi a èssiri suttaposta a autupsìa. Vassallo lassa a muggheri e dui figghi. Era notu comu lu "sìnnacu piscaturi", pi l'attività ch'esircitava prufissiunalmenti nzèmmula ô frati.

Fonti[edit]