Wn/scn/Ariuporti di Catania e Tràpani n suvracàrricu

From Wikimedia Incubator
< Wn‎ | scnWn > scn > Ariuporti di Catania e Tràpani n suvracàrricu
Jump to: navigation, search

sabbatudìa 25 di sittèmmiru 2010

L'ariuportu di Tràpani Birgi

Ariuporti di Catania e Tràpani n suvracàrricu. L'ariuportu trapanisi d'aieri gistisci 40 voli diruttati di Palermu causannu nu scumpenzu nutèvuli a lu scalu sicilianu ca s'attrova a gistire circa 6000 passaggeri.

«La struttura trapanisa, diminziunata supra un liveddu di sirvizziu e di capacità uraria di un miliuni di passaggeri a l'annu, sta opirannu ô rìttimmu di n'ariustazzioni di 4 miliuna di passaggeri a l'annu pi garantiri tutti li voli diruttati» dici lu prisidenti di l'Airgest, la sucità di gistioni di l'ariuportu «con senso di responsabilità abbiamo accettato i voli dirottati [...] e stiamo dando il massimo». D'altrunni, l'altirnativa fussi la cancillazzioni di tutti li voli diruttati di Palermu, cu disaci, forsi, maiuri.

Midemma a lu scalu di Catania, l'Ariuportu di Catania-Funtanarussa, la situazzioni è n emirgenza, ma furtunatamenti «non si registrano inconvenienti o ritardi importanti». Nfatti li difficurtà sunnu a l'esternu di l'ariuportu, pirchì è assai diffìcili attruvari n'atabbussu pi Palermu cu timpismu.

Lu prisidente di l'ENAC cumùnica ca lu scalu di Palermu havi a ristari chiudutu armenu finu ê 14 di dumani. La càusa è lu ncidenti aèriu avvinutu aieri, ntô quali n'Airbus finìu fora pista cu 123 passaggeri a bordu. L'aèriu tranciau l'antinna di l'Instrument landing system (ILS) c'havi a èssiri ripristinata prima di purtari di novu â funziunalità màssima lu scalu palirmitanu.

Fonti[edit]