Wn/scn/Òppitu Mamertina: la stàtua dâ Madonna fa lu nchinu ô bossu

lunidìa 7 di giugnettu 2014

Li palori forti e la scumùnica chiara ê ndranghitisti, prununzati di Papa Franciscu a Cassanu ô Joniu nun foru ascutati. Ammattìu mercuridìa 2 di giugnettu a Tresìlicu na frazzioni d'Òppitu Mamertina, cità episcupali sedi dâ diòcesi d'Òppitu Mamertina-Parmi, n pruvincia di Riggiu Calabbria. Duranti la prucissioni dâ stàtua di Marìa SS. dê Grazzi, la stissa fu fatta aspittari n'anticchia allatu di l'abbitazzioni di chiddu ca veni ritinutu èssiri lu capu di na famigghia di ndràngheta, nota e cunnannatu a l'ergàstulu pi omicidiu e assuciazzioni mafiusa, e ritinutu unu dê protagunisti principali dâ fàida cruenta ntra li coschi dâ ndràngheta d'Òppitu Mamertina virificàtasi nta l'anni '90, ca stirminau pirsinu fìmmini e picciriddi e ca lassau quasi nu cintinaru di morti ammazzati. Unu di sti morti vinni datu vivu n pastu ê maiali.

Lu marisciallu dê carabbinera, cumannanti dâ stazzioni lucali, rinnènnusi mmidiatamenti cuntu dâ gravità di quantu stava avvinennu, lassau la prucissioni n signu di prutesta. L'auturità civili e riliggiusi prisenti cuntinuaru a sèguiri la prucissioni.

Fonti

Micheli Albanese «Il fatto La statua della Madonna fa l'inchino al boss Il maresciallo dei carabinieri lascia la processione» – Il Quotidiano della Calabria, 6 di giugnettu 2014
Luciu Musolino «Oppido, il parroco dice ai fedeli in chiesa di prendere a schiaffi il giornalista del Fatto» – Il Fatto Quotidiano, 6 di giugnettu 2014
Redazione Online «Calabria Dda apre inchiesta: forse relazioni tra i portatori della statua e il boss» – Corriere della Sera, 7 di giugnettu 2014
Fiurenza Sarzanini «Le conseguenze Processione di Oppido: denuncia per 25 portatori e per il mandante» – Corriere della Sera, 7 di giugnettu 2014
«Oppido Mamertina: il commento di Mons. Nunzio Galantino» – Tele Cosenza, 7 di giugnettu 2014
«Inchino Madonna al boss, capo dei vescovi calabresi: "Preti dovevano scappare". Dda avvia indagine» – La Repubblica, 7 di giugnettu 2014
Online newsdesk - English translation by Giles Watson «Statue of Virgin Stops at Boss's Home» – Corriere della Sera, 7 di giugnettu 2014