Wn/scn/Òppitu Mamertina: la stàtua dâ Madonna fa lu nchinu ô bossu

From Wikimedia Incubator
< Wn‎ | scnWn > scn > Òppitu Mamertina: la stàtua dâ Madonna fa lu nchinu ô bossu
Jump to: navigation, search

lunidìa 7 di giugnettu 2014

Lu Santuariu Marìa SS. dê Grazzi ntâ frazzioni Tresìlicu d'Òppitu Mamertina

Li palori forti e la scumùnica chiara ê ndranghitisti, prununzati di Papa Franciscu a Cassanu ô Joniu nun foru ascutati. Ammattìu mercuridìa 2 di giugnettu a Tresìlicu na frazzioni d'Òppitu Mamertina, cità episcupali sedi dâ diòcesi d'Òppitu Mamertina-Parmi, n pruvincia di Riggiu Calabbria. Duranti la prucissioni dâ stàtua di Marìa SS. dê Grazzi, la stissa fu fatta aspittari n'anticchia allatu di l'abbitazzioni di chiddu ca veni ritinutu èssiri lu capu di na famigghia di ndràngheta, nota e cunnannatu a l'ergàstulu pi omicidiu e assuciazzioni mafiusa, e ritinutu unu dê protagunisti principali dâ fàida cruenta ntra li coschi dâ ndràngheta d'Òppitu Mamertina virificàtasi nta l'anni '90, ca stirminau pirsinu fìmmini e picciriddi e ca lassau quasi nu cintinaru di morti ammazzati. Unu di sti morti vinni datu vivu n pastu ê maiali.

Lu marisciallu dê carabbinera, cumannanti dâ stazzioni lucali, rinnènnusi mmidiatamenti cuntu dâ gravità di quantu stava avvinennu, lassau la prucissioni n signu di prutesta. L'auturità civili e riliggiusi prisenti cuntinuaru a sèguiri la prucissioni.

Fonti[edit]