Wn/pnb/اسلام آباد وچ بینک تے آپ مارو دھاڑا گارڈ ماریا گیا

From Wikimedia Incubator
< Wn‎ | pnbWn > pnb > اسلام آباد وچ بینک تے آپ مارو دھاڑا گارڈ ماریا گیا

وفاقی راجگڑھ اسلام آباد وچ آپ مارو دھاڑے وچ نجی بینک دا سیکورٹی گارڈ ماریا گیا جدوں کہ کئی بندے پھٹڑ ہو گئے۔ آپ مارو دھاڑے دا نشانہ ایس واری سیکٹر آئی ایٹ مرکز وچ اک نجی بینک بݨیا۔ آئی جی پولیس واجد درانی نے دسیا ہے جو آپ مارو دھاڑوی نے دھماکا اودوں کیتا جدوں اوہنوں بینک دے سیکورٹی گارڈ بشیر نے روکݨ دی کوشش کیتی۔

دھماکے وچ پھٹڑ ہوݨ والے بندیاں نوں جھبدے ہسپتال اپڑایا گیا۔ پربندھیاں موجب دھماکے وچ ست توں نو کلو تیکر بارودی مواد ورتیا گیا آپ مارو دھاڑوی دا سر تے جسمانی اننگ لبھ گئے نیں۔ سفید شلوار قمیض پائے ہوئے دھاڑوی دی عمر اٹھاراں ورھے دے نیڑے تے مونہہ تے ہلکی داڑھی ہے۔ اکھیں ویکھݨ والیاں موجب بینک گارڈ نے اپنی جان دی پرواہ کیتے بناء شبہے والے بندے نوں روکݨ دی پوری کوشش کیتی۔