Wn/khw/ای ٹیلی فون اوا گانتم

ای ٹیلی فو ن اواگانتم دردو سامون اوا گانتم

ای ہش گردون اوا گانتم بیتی مجنون اواگانتم

بوبے سکون اوا گانتم

مہ کیہ ازمون اواگانتم

لوا چاکوس یہ شور کورویے تہ ہردیو سخت بور کوروے

کیاواتنے یہ سور کوروے عملہ دی مو فروخ ڑورکوروے

ہروش ملغون اواگانتم

ای ٹےلی فون اوا گانتم

چھترارا کی ڈائل ارو کوس تن وشکی مائل ارو

کندوری خور حائل ارو تن پےسو تھے زائل ارو

گشپ تا یومون اوا گانتم

ای ٹےلی فون اوا گانتم

واکی ہش ہوے کوس بڑیکو دوم مونو ساوزے نشیکو دوم

مہ وشکی کا لوڑےکو دوم کوس پازو دوم کوس کھاکودوم

ای چھونشرو ٹون اوا گانےتم

ای ٹیلی فون اوا گانتم

تہ رشتہ دار فرانسہ بوئے بلجمہ نو برنسہ بوئے

وائرلیس لوب دی پھار پرنسہ بوئے جو ہزار تعو بیلنسہ بوئے

فرانسو ٹیون اوا گانتم

ای ٹیلی فون اوا گانتم

اسد و غون تونجیوبش کانیکیہ یاموچیو بش

دپھئے کوریکو درخچیو بش کیوتے بوئے واہڅیو بش

دنیائے دون اواگانتم

ای ٹیلی فون اوا گانتم

شاعر:اسد