Wn/ka/ევროკავშირი ბელარუსს 3-მილიარდიან საინვესტიციო პაკეტს შეუჩერებს
24 მაისი, 2021
ევროკავშირი ბელარუსს 3 მილიარდი ევროს ოდენობის საინვესტიციო პაკეტს შეუჩერებს მანამ, სანამ ქვეყანა დემოკრატიისკენ სვლას არ დაიწყებს. წერს „Reuters“.
„ჩვენ მანამ გვექნება რეჟიმზე წნეხი, სანამ საბოლოოდ არ სცემს პატივს მედიის, პრესის და აზრის თავისუფლებას“, - თქვა ევროკომისიის პრეზიდენტმა, ურსულა ფონ დერ ლეიენმა.
ამის მიზეზი მეტწილად გახდა 2021 წლის 23 მაისს მომხდარი ეპიზოდი, როდესაც ათენიდან ვილნიუსისკენ მიმავალი Ryanair-ის სამგზავრო თვითმფრინავი მინსკის აეროპორტში იძულებით დაეშვა, რათა ხელისუფლებას ოპოზიციონერი ჟურნალისტი, რამან პრატასევიჩი დაეკავებინა.