Wn/cpx/湄洲卜辦頭蜀屆地方特色美食比賽
【2019年1月10號訊】
1月8號，湄洲頭蜀屆地方特色美食比賽起鼓，項湄洲傳統兮好食兮摕乞逐個看，項文化內涵合影響力提升爬起，旅遊業亦會齊發展。
者環兮比賽是湄洲旅遊協會辦兮，都合有30個開飯店兮通過預選晉級決賽。者些商家分4組齊比賽。逐組卜挃佇規定兮時節項兩ti⁴⁵³（樣）菜做乞合落。者環比賽兮評委，福建省烹飪行業協會顧問陳瑞坤講：「者環食材主要是湄洲本地兮，著有地方特色。」
湄洲旅遊協會餐飲分會會長杜敏敏講：「者環比賽就是促進湄洲開飯店兮儂，經營創新化、理念化，項湄洲本地兮餐飲品牌造出。」