Wn/cpx/人類頭蜀張黑洞兮相片面世

【2019年4月15號訊】

北京時節4月10號暝昏九點，全球六個地方：比利時布魯塞爾、智利聖地亞哥、中國上海合臺北、日本東京、美國華盛頓開發佈會，發佈人類頭蜀張黑洞兮相片。這蜀張黑洞相片是室女座M87中心，隔地球有5500光年，質量是地球兮65億倍。這個黑洞比較大，所以趁地球看過直徑亦會大，因此變成科學家兮目標之一。這環兮相片，是「事件視界望遠鏡合作組織（EHT）發佈出兮，由十三個合作組織構成，中國科學院天文大科學中心（CAMS）是中央蜀個。CAMS由中國科學院國家天文臺、紫金山天文臺、上海天文臺齊建立，這中央兮上海天文臺牽頭組織國內兮學者參加這款合作。