Chăng-kō̤ Mìng-dĕ̤ng-ngṳ̄ Háng-cê gì bēng-buōng. /
參考閩東語漢字其版本。
2018 n. 7 ng. 16 h. séng
Huák-guók-dôi dò̤-giâ lāu Dâi-lĭk-sìng-buŏi (大力神盃)
Lā̤-bái (15 hô̤) , 2018 nièng Sié-gái-buŏi Kă-giù-suói muōi-lùng, Huák-guók-dôi „Gŏ̤-lù Hṳ̀ng-giĕ“ (高盧雄雞) 4:2 páh-bâi Káik-lò̤-dê-ā (克羅地亞) „Gáik-gáik-gŭng“ (格格軍), dò̤-giâ lāu ĭ-gáuk-nè̤ng dâ̤-nê-ciáh Sié-gái-buŏi tàu-siŏh-miàng. Cuòi liê sèng-siŏh-huòi Huák-guók dáik-gáu Sié-gái-buŏi tàu-siŏh-miàng ī-gĭng guó lāu 20 nièng.
File:Russia 2018 Soccer World Cup Awards.jpgBī-suói cĭ-hâiu, băng-huák ciōng-hâung. Téng cō̤ gáu êu sê Guók-cié Cé̤ṳk-lièng (國際足聯) ciō-sĭk Gianni Infantino, Ngò̤-lò̤-sṳ̆ cūng-tūng Putin, Huák-guók cūng-tūng Macron, Káik-lò̤-dê-ā (克羅地亞) cūng-tūng Kitarović
Ngò̤-lò̤-sṳ̆ cūng-tūng Putin, Huák-guók cūng-tūng Macron, Káik-lò̤-dê-ā cūng-tūng Kitarović chăng-gă lāu băng-ciōng diēng-lā̤.
Káik-lò̤-dê-ā cūng-tūng kó̤ Káik-lò̤-dê-ā Dôi gâing-ĭ-sék, gâe̤ng dôi-dòng ók-chiū. Káik-lò̤-dê-ā Dôi dôi-dòng găk siēu-cū-suói dài-dŭng, dó̤i-dêng Argentina gâe̤ng Nigeria. Ĭng-ôi hiā-sèng-hâiu gì biēu-hiêng, siàng-ùi bī-suói dài-dŭng gì có̤i-gă giù-uòng, dáik-gáu lāu Gĭng-giù-ciōng
Sié-gái-buŏi muōi-lùng bī-suói cĭ-sèng, Káik-lò̤-dê-ā cūng-tūng Kitarović ciŏng siŏh giông dái ô ĭ miàng-cê gì Gáik-gáik-gŭng giù-ĭ sáe̤ng ké̤ṳk Putin, Putin mò̤ sê̤ṳng cī giông ĭ-siòng káng bī-suói.
Mī-guók cūng-tūng Trump huák-biēu tŭi-ùng (推文), cé̤ṳk-hô̤ Huák-guók dò̤-giâ tàu-siŏh-miàng, bêng-chiā chĭng-cáng Ngò̤-lò̤-sṳ̆ cūng-tūng Putin gâe̤ng Ngò̤-lò̤-sṳ̆ có̤ lāu siŏh huòi cêng-gò̤ iā hō̤ gì bī-suói.
 |
Cī piĕng sĭng-ùng bó̤-dô̤ gì cuòng-buô hĕ̤k-ciā buô-hông nô̤i-ṳ̀ng, lài-cê̤ṳ Mī-guók Lièng-băng Céng-hū gì guăng-huŏng guōng-bó̤ gĭ-gáiu Mī-guók cĭ Ĭng gì sĭng-ùng „世界杯決賽法國以4-2戰勝克羅地亞“, ô-guăng sĭng-ùng sṳ̆k-ṳ̆ gŭng-iēu līng-mĭk.
Kī-dâe̤ng cé̤ṳ-é : VOA â̤ diōng-cāi lài-cê̤ṳ Mī-lièng-siâ, Huák-sĭng-siâ dēng-dēng dê-huŏng gì sĭng-ùng sióng-piéng, ô-guăng sĭng-ùng gì diōng-cāi siōng-piéng mâ̤ sáung gŭng-iū līng-mĭk. |
.jpg)
