Wn/cdo/Diòng-lŏ̤h-nè̤ng dò̤-giâ Hók-gióng-sēng Dâ̤ 16 Gái Ông-dông-huôi nṳ̄-gái lâng-ciáh-nè̤ng pùi-tīng 500 mī hâung-mŭk tàu-miàng
2018 n. 7 ng. 26 h. séng
7 nguŏk 21 hô̤, Hók-gióng-sēng Dâ̤ 16 Gái Ông-dông-huôi (福建省第十六届運動會) pùi-huà-tīng (皮划艇) bī-suói găk Kŭ-chèng Chói-bìng-hù (翠屏湖) giék-sók lāu. Diòng-lŏ̤h ông-dông-uòng Dìng Hĭng-ì (陳馨怡) gâe̤ng dôi-iū hăk-cáuk, dò̤-giâ lāu nṳ̄-gái ék-cū (乙組) lâng-ciáh-nè̤ng gì pùi-tīng 500 mī gì tàu-miàng gâe̤ng nṳ̄-gái ék-cū siŏh-ciáh-nè̤ng gì pùi-tīng 200 mī gì dâ̤ 4 miàng.
Dâ̤ 16 Gái Hók-gióng-sēng Ông-dông-huôi sê Nìng-dáik-chê (寧德市) tàu-lùng sìng-bâing gì ciòng-sēng cŭng-hăk-séng gì tā̤-ṳ̆k sêng-huôi. Ciō-bâing-huŏng gōng, cī gái ông-dông-huôi ciòng-sēng ô 9 bĭh dâi-biēu-dôi, 300 dŏ̤ miàng ông-dông-uòng chăng-gă lāu bī-suói.