Wn/cdo/陳赫共伊諸娘囝逛廟會網友發現是南後街

【2018年2月17號訊】

今旦（17號）19點18分，演員陳赫發了蜀條微博，講：「大年初二逛廟會，太熱鬧了！」（正月初二逛廟會，真是雅鬧熱！）固有逛廟會其相片，陳赫共伊諸娘囝都著相片裏勢。

微博評論區𡅏，網友目睭雅尖，發現圖裏勢其街就是福州南後街。有蜀隻網友講自家當時就著陳赫後兜，有其講自家也有去南後街行蜀行但是無看見，有其網友退悔自家今旦無著福州。