Wn/cdo/武漢眼科醫生李文亮去世

From Wikimedia Incubator
< Wn‎ | cdoWn > cdo > 武漢眼科醫生李文亮去世
Jump to navigation Jump to search
全球新型冠状病毒感染的肺炎疫情报告.svg
系列報導
更新

【2020年2月7號訊】

武漢中心醫院拜五(2月7號)講,眼科醫生李文亮著工作臺中感染新型冠狀病毒,搶救無效,今旦2點58分去世。

遐前後之前,已經有網絡懸頂其儂共媒體講李文亮去世。《新京報》快訊講,伊其記者「2月6號暝晡由武漢市中心醫院內部仈傳,仈曾乞訓誡其武漢市中心眼科醫生李文亮著2月6號暝晡搶救無效去世。」

但是復有消息講,伊其心臟停下,㑚是講著𡅏接受體外膜肺氧共(ECMO)搶救。遘今旦0點38分,武漢中心醫院認證其新浪官方微博講,「目前病危,著𡅏全力搶救。」

世界衛生組織(WHO)著美國東部時間2月6號早起頭10點25分發推文講:「李文亮醫生去世,儂家深感悲痛。儂家都著讚美伊對2019新冠病毒所做其工作。」

世衛組織接下除去只條推文,故解釋講:「著今旦有關2019新冠病毒其新聞簡報會懸頂,(世衛組織突發衛生事件規劃執行主任)邁克·瑞安博士乞問遘有關李文亮醫生去世其消息,伊表示了哀悼。世衛組織無關於李醫生狀況其信息。」

2019年12月30號,武漢中心醫院眼科醫生李文亮著微信懸頂共伊同學發布了蜀條信息,警告同學各儂武漢華南海鮮市場可能有疫情。

遐前後李文亮講,伊看見蜀份病儂檢驗報告顯示,SARS冠狀病毒高置信度陽性指標。看囇之後疫情其發展,嚽確實完全是蜀種新其冠狀病毒。

當地其警察著2020年1月3號傳訊了李文亮,並且講伊著互聯網懸頂「發布不實言論」,對伊予以訓誡,警告伊若無悔改,繼續從事違法活動,將受遘法律制裁。李文亮著訓誡書懸頂簽字畫押。

1月8號,李文亮上班其時候碰遘不明病毒性肺炎患者。1月10號,李文亮嗽咳咳,故發熱。12號住院。

消息來源[edit]

Wikipedia-logo.png
汝可以敆維基百科𡅏看蜀看共這新聞有關係其條目: