Wn/cdo/正月初五「破五節」福州三坊七巷喜迎財神

【2018年2月21號訊】

昨暝（20號）是正月初五，者日洽福州俗稱「破五節」，意思是春節其諸多禁忌，者日後皆可破除。者日固是老福州「趕窮神、迎財神、開街納財」其好日子。當日，三坊七巷上演了蜀場喜迎財神其民俗表演。只見天后宮其迎財神民俗表演隊伍洽坊巷裡迎接財神神架，為「正月初五迎財神」傳統民俗迅游拉開了序幕，「八家將」霸氣開路，「五路小財神」共電音三太子蜀路賣萌，「轉（賺）錢天官」轉𡅏「金錢傘」簇擁𡅏天后媽祖共財神趙公元帥其神架，洽如織人潮其追隨下，沿南後街蜀墿送福送財運，祝福新其蜀年中國經濟繁榮發展，大家財源廣進。