Wn/be/КДБ Беларусі прымусіў Сяргея Пальчэўскага падпісаць паперу аб супрацоўніцтве

From Wikimedia Incubator
< Wn‎ | beWn > be > КДБ Беларусі прымусіў Сяргея Пальчэўскага падпісаць паперу аб супрацоўніцтве
Jump to navigation Jump to search

27 красавіка 2017

Лідар «Маладога фронту» Зміцер Дашкевіч са слоў фігуранта «справы патрыётаў» Сяргея Пальчэўскага напісаў у «Фэйсбуку», што КДБ Беларусі вымусіў падпісаць таго паперу аб супрацоўніцтве. Поўны тэкст прызнання Пальчэўскага апублікаваны ў групе «Малады фронт».

«Сябры, хачу перад вамі паспавядацца. І судзіце мяне так, як хто палічыць патрэбным. Сёння я прызнаюся ў тым, што падпісаў супрацоўніцтва з КДБ.

На першым жа допыце, на які мяне прывезлі ў цэнтральны апарат камітэта, я меў размову без адваката з двума супрацоўнікамі КГБ. Яны адразу пачалі патрабаваць, каб я распавядаў ім нешта аб «справе патрыётаў». Я адмовіўся. Тады мяне пачалі шантажаваць.

Мне пагражалі крымінальным пераследам і дадатковым тэрмінам за ДТЗ з маім удзелам. Справа ў тым, што ў лютым гэтага года я, знаходзячыся за стырном, збіў на пешаходным пераходзе жанчыну. Дзякуй Богу, ДТЗ абышлося без пераломаў, але траўмы кваліфікаваныя як менш цяжкія і за гэта, пры жаданні пацярпелай, можа быць распачатая крымінальная справа.

Таксама была агучаная пагроза публікацыі нейкіх інтымных падрабязнасцяў пра маё прыватнае жыццё. Шчыра сказаць, я і не вельмі зразумеў, пра што ідзе гаворка. Цяпер успамінаю, што за некалькі дзён да арышту мне стукаліся ў сетцы «Вконтакте» невядомыя людзі і казалі мне, што ведаюць пра тое, што я гей і прапаноўвалі мне адкрыцца ў «шчырай гутарцы». Гэтых людзей я заблакаваў, але калі вычварэнцам з КДБ цікава, сёння я прызнаюся: я не гей.

І апошняе - мне пагражалі «петушатнямі» ў зоне.

Нягледзячы на шантаж і тое, што я не вёў ніякай злачыннай дзейнасці, не ведаю ніякіх сакрэтаў - я наважыў даваць паказанні. Пасля таго, як мы пагаварылі прыватна, супрацоўнікі КДБ загадалі паўтарыць усё гэта пры адвакаце і далі мне на подпіс падпіску аб супрацоўніцтве. Пад псеўданімам «Артур» я падпісаў супрацоўніцтва з КДБ, думаючы пра тое, што пасля вызвалення прызнаюся пра гэта маім сябрам. І сёння я раскайваюся ў гэтым учынку перад Богам і людзьмі. Калі хтосьці мяне асуджае за зробленае, я мяркую, што кожны мае на тое поўнае права».



Крыніцы[edit]

Creative Commons
Гэты артыкул змяшчае матэрыялы з артыкула «КДБ прымусіў Пальчэўскага падпісаць паперу аб супрацоўніцтве», які быў апублікаваны Хартыя’97 і распаўсюджваецца на ўмовах ліцэнзіі Template:Nobr.

Wn/be/Category:Матэрыялы Хартыя’97


{{Wn/be/Каментарыі:Template:Wn/be/PAGENAME}}