Wn/azb/بین لادینین آبیت آبادداکی ائوینده ۱۶ اوشاق ائو مکتبینده درس آلیرمیش

From Wikimedia Incubator
< Wn‎ | azbWn > azb > بین لادینین آبیت آبادداکی ائوینده ۱۶ اوشاق ائو مکتبینده درس آلیرمیش
Jump to navigation Jump to search

اوسامه بین لادینین دوزنلنن اوپراسیونلا اؤلدورولمه‌سی‌نین آردین‌دان، وورولدوغو بینا ایله ایلگی‌لی، بیلگیلر ده پاکیستان‌لی یئتکیلیلرین یاپدیق‌لاری سوروشدورمادا یاواش یاواش اورتایا چیخیر.

بین لادینین، گیزله‌ندیگی یئرین اورتایا چیخماماسی اوچون، ائوده یاشایان ۱۶ اوشاغی مکتبه گؤندرمه‌دیگی بیلدیریلدی.

پاکیستان‌لی یئتکیلیلرین، آبیت آباد کندیده‌کی ائوده و چئوره‌سینده باش دوتموش سوروشدورمایا گؤره‌، بین لادین بیری یمن‌لی، ۲سی سعودی عربیستان‌لی اوچ حایات یولداشی ایله بیرلیکده یاشیردی.

سعودی عرابیستان‌لی ائشلریندن بیری‌نین ایسلامیات دوکتورو اولدوغو، ائوده‌کی ۱۶ اوشاغا و قادینلارا تعلیم وئردیگی بلیرتیلدی.

آراشدیرما‌لار سیراسیندا، درس کیلاسینا دؤنوشموش، بیر اودا دا اورتایا چیخاریلدی.

اوشاقلارین ۴ونون بین لادینین تورونو اولدوغو بلیرتیلدی. نئچه سینین اوسامه بین لادینین اؤز اوشاغی اولدوغو قونوسوندا ایسه بیلگی وئریلمه‌دی.

ابیت اباد خالقی، اوشاقلارین هئچ بیر زامان ائوین ائشیکینده اویناما‌لارینا ایذین وئریلمه‌دیگینی، چوخ آز اولاراق باقالا گئتسه‌لر بیله یان‌لاریندا کسین بیر یئتیشکین بیریسینین اولدوغونو بلیرتیر.

پاکیستان مقام‌لاری، سورغولاری‌نین تاماملانماسی‌نین آردین‌دان، بین لادینین ائش و اوشاقلارینین اؤلکه‌لرینه ایعاده ائدیله‌جگینی قید ائدیر.

آمریکا‌لی یئتکیلیلر، بین لادینین سون ۵ ایلینی ابیت اباددا، عسکری آکادمی‌نین یاخینیندا ساخلاناراق گئچیردیگینی تخمین ائدیر.

پاکیستان مطبوعاتینین خبرینه گؤره‌، یئتکیلیلر، اینجه‌له‌مه‌لر تاماملاندیقدان سونرا، زیارتچی آخینی‌نین اؤنونه گئچمک اوچون ائوی ییخمانی پیلانلیر.

ابیت آبادداکی یابانجی قزئته‌چیلردن ده، آرتیق کندی ترک ائتمه‌لری‌نین ایستندیگی بیلدیریلیر.


قايناق[edit]

بین لادینین آبیت آبادداکی ائوینده ۱۶ اوشاق ائو مکتبینده درس آلیرمیش