Wn/azb/بین لادن نئجه اؤلدورولدو؟

From Wikimedia Incubator
< Wn‎ | azb
Wn > azb > بین لادن نئجه اؤلدورولدو؟

دونن اؤلدورولدویو آچیق‌لانان "القاعیده" ترور تشکیلاتی‌نین لیدری اوسامه بین لادینین یاشادیغینا داییر معلومات آمریکا بیرلشک دؤلتلری مرکزی کشفیات ایداره‌سینه گئچن ایلین سپتامبر آییندا داخیل اولوب.

آمریکا‌نین افقانیستان و پاکیستان‌داکی بؤلمه‌لری " القاعیده " لیدری‌نین پاکیستانین باشکندی ایسلام آبادین یاخینلیغیندا، وارلی شخص‌لرین یاشادیغی بیلال محله‌سینده گیزله‌ندیگینی بیلدیریب‌لر.

" القاعیده " لیدری نهنگ بیر ویلایا بنزر، حیصاری‌نین یوکسک‌لیگی ۵ متره چاتان، تیکان‌لی مفتیل‌لرله ساریلمیش ائوده یاشاییردی.

ایکی گیریشی اولان ائوین اینترنت و تلفون باغلانتی‌سی یوخدو.

بو ایلین آوریلیندن اعتباراً اوسامه بین لادینین سیخ-سیخ ائوه گیریب-چیخدیغی معین ائدیلیب. بون‌دان سونرا عملیاتا ایستارت وئریلیب.

آمریکا بیرلشک دؤلتلری اؤزل تیمینی داشییان دیک اوچار دونن صاباح ساعات‌لاریندا پاکیستانین شیمالین‌داکی بیر ساواشال یئرلشکه‌دن حرکت ائدیب.

بین لادینین یاشادیغی ائوه یاخین‌لاشان دیک اوچارا آتش آچیلیب.

خومپاره آتانلا وورولان دیک اوچارلاردان بیری یئره دوشوب. داها سونرا بؤیوک آتیشما باشلاییب.

بیر ساعاتا یاخین داوام ائدن عملیات نتیجه‌سینده واشینگتونون ان بؤیوک دوشمنی اولان بین لادین اؤلو اله گئچیریلیب. حیاتا گئچیریلن دی ان ای تستی نتیجه‌سینده جسدین بین لادینه مخصوص اولدوغو دقیقله‌شیب.

باسقیندا بین لادینین اوغلو دا داخیل اولماقلا داها ۳ نفر اؤلوب.

عملیات‌دان بیر ساعات سونرا اوبامانین اؤنملی بیر مسئله ایله باغلی مطبوعات کونفرانسی گئچیره‌جه‌گی آچیقلانیب.

تخمینن بیر ساعات سونرا، تورکیه ساعاتی ایله ۰۶:۳۰-دا کامرا‌لارین قارشی‌سینا گئچن اوبامان ایسه سئوینج ایچری‌سینده خبری آچیقلاییب.

بین لادینین اؤلوم خبرین‌دن سونرا خاریجده‌کی آمریکا بیرلشک دؤلتلری سفیرلیک‌لرینده تهلوکه‌سیزلیک تدبیرلری آرتیریلیب. آمریکا بیرلشک دؤلتلری دؤلت دپارتامنتی خاریجده‌کی آمریکا بیرلشک دؤلتلری وطنداش‌لارینی "القاعیده" و اونا باغلی تشکیلات‌لارین مومکون هوجوم‌لارینا قارشی خبردار ائدیب.

قايناق[edit | edit source]

بین لادین نئجه اؤلدورولدو؟