Wn/azb/ایران نوکلئر گؤروشمه‌لره یئنی‌دن باشلیر
ایران نوکلئر گؤروشمه‌لره یئنی‌دن باشلیر.
آوروپا بیرلیگی خاریجی پولیتیکا یوکسک کومیسری کاترین آشتونون گؤروشمه‌جی اؤلکه‌لر آدینا یازدیغی مکتوبا ایران نوکلئر باش موذاکیره‌جی‌سی سعید جلیلی اولوم‌لو جاواب وئردی.
ایراندا عربجه یایینلانان العالم تلویزیونونون خبرینه گؤره کاترین آشتونون ۳ آی اؤنجه گؤندردیگی مکتوبا جاواب اولاراق ایران، گؤروشمه‌لری یئنی‌دن باشلامانی قوشول‌لو و شرطلی اولاراق قبول ائتدی.
ویانادا بولونان ایران بؤیوک ائلچی‌سی یولو ایله تسلیم ائدیلن مکتوبدا ایران طرفی، ۵+۱ قوروپونون گؤروشمه‌لره دؤنمه‌سیند‌ن ممنون اولاجاغینی، آنجاق گؤروشمه‌لرین عادیل اولماسی و طرفلرین بیربیرینه باسقی یاپماماسی گرکدیگینی بلیرتیر.
۴ونجو ان آز گلیشمیش اؤلکه‌لر ذیروه‌سی اوچون ایستانبولدا اولان ایران جمهور باشقانی محمود احمدینژاد دا بیر سونراکی نوکلئر گؤروشمه‌نین ایستانبولدا گرچکلشه‌جگینی ایفاده ائتمیش، آنجاق بیر تاریخ وئرمه‌میشدی.
ایرانین نوکلئر فعالیتلری قونوسوندا بیرلشمیش میلتلر گوون‌لیک شوراسی، آمریکا بیرلشیک دؤلتلری، روسیا، چین، فیرانسا، اینگیلتره و آلمانیا‌دان اولوشان ۵+۱ اؤلکه‌لریله یاپدیغی گؤروشمه‌لر، اورانیوم زنگینلشدیرمه فعالیتلرینی دوردورمانی رد ائتمه‌سی دولاییسییلا ژانویه آییندا کسینتی‌یه اوغرامیشدی.
آمریکا بیرلشیک دؤلتلری و آوروپا‌لی متفیقلری، ایرانین نوکلئر پروقرام آدی آلتیندا آتوم بومباسی اورتمه‌یه چالیشدیغینی ایدیعا ائدرکن تهران ایسه الکتریک اورتمک اوچون نوکلئر تکنولوژی‌یه ایحتیاجی اولدوغونو وورغولاییر.