Wb/se/Gáiddusoahpahusa vejolašvuohta čájehit/Studeanttaid joavkkuiduhttin ja searvvušlaš bargan
Mot oažžu ohppiid searvvušlaš, juhkkojuvvon ja interaktiivvalaš doaimmaide nu, ahte studeren ii leat oktonas ja rusttega guoras čohkkan.
- Oahpahusdilli lágiduvvo videooahpahussan, goas oahppit oidnet nuppiideaset ja sáhttet ságastallat oahpaheddjiin ja eará ohppiiguin.
- Go oahppi boahtá fierbmeoahpahussii, son dearvvahuvvo namain. Joavkkuiduhttima hárjehallet fierpmis vuosttaš deaivvademiin, vaikko olbmot dovddašedjege nuppiideaset juo ovddežis. Ná ohppet njuolggadusaid ja hárjehallet gulahallama.
- Liggehallanhárjehusat chatas dahje videodiimmus omd. juohke iđida jerrojuvvojit aktiverejeaddji jearaldagat, maid buohkat besset jearrat vurrolaga geas háliidit. Ná ohppet ságastallat fierpmis iešguđet olbmuiguin.
- Garvve guhkes logaldallamiid ja okto humadeami. Searvat ohppiid sierralágan bargobihtáiguin dahje jearaldagaiguin. Ávkkástala logaldallanosiin chatiin, goas logaldallanlágange oahpahus lea buoremus dilis olles áigge dialoga.
- Vikka vejolašvuođaid mielde barggahit joavkobargguid dahje bárrabargguid. Dain oahppit sáhttet ságastallat gaskaneaset bargobihtáid bohciidahttán jurdagiin ja doarjut nubbi nuppi. Ohppiid joavkobargan lihkostuvvá máŋggain applikašuvnnain, muhto maiddái vaikko dábálaččat riŋgemiin telefovnnain.
- Ordne diimmuid nu, ahte daid sisdoallu molsašuddá smávvajoavkobargama ja olles joavkkuin bargama gaskkas.
- Smávvajoavkkuid doaibmama ja oassálastiid gaskasaš dynamihka fierpmis gánnáha čuovvut gitta álggu rájes. Iskka juohkit ohppiid dakkár smávvajoavkkuide, mat doibmet buoremus lági mielde, nu ahte oassálastiid gaskasaš vuorrováikkuhus fierpmis lea njuovžil.
Gudnejahtti dialoga prinsihpat: Earreboddu-dialoga (su. erätauko-dialogi) mielde konstruktiiva ságastallama njuolggadusat heivejit bures álgui. Judy Rees Clean Language geahčastahttá maiddái buorrin: sátnehámit šaddet eanet gudnejahttin ja eanet jurddašeaddjin hárjehusa mielde.
Earreboddorávvagat:
- 🌿 Válmmaštala bures
- 🌿 Guldal earáid
- 🌿 Jeara sis, geat orrot jaska
- 🌿 Leage mielde, čieŋo boddui
- 🌿 Ále leat čeavlái
- 🌿 Geahččal ipmirdit earáid buoremus ládje
- 🌿 Leage álot rehálaš