Jump to content

Wb/se/Gáiddusoahpahusa vejolašvuohta čájehit/Reálaáigásaš gáiddusoahpahus ja mieldeorrun gáiddusin

From Wikimedia Incubator
Wb > se > Gáiddusoahpahusa vejolašvuohta čájehit > Reálaáigásaš gáiddusoahpahus ja mieldeorrun gáiddusin

Gáiddusoahpahusas ohppiid mieldeorruma sáhttá dárkkodit gáiddusmieldeorrun-doahpaga bokte. Oahppit leat mielde digitála reaidduid bokte, juogo ovttaáigásaččat dahjege reálaáigásaččat (synkronalaš) dahje sierraáigásaččat dahjege ii-reálaáigásaččat (synkronalaš).

Dávjá lea jierpmálaš ollašuhttit gáiddusoahpahusa ii-reálaáigásaš ja reálaáigásaš mieldeorruma kombinašuvdnan. Ii-reálaáigásaš vuorrováikkuhusas geavahuvvo ovdamearkka dihte chat ja ságastallanforum. Dás lea eambbo diehtu boahtime. Dan sadjái reálaáigásaš oahpahusas mieldeorrun lea seammasullasaš go vuorrováikkuhusas njunnálaga, dat dušše sirdojuvvo teknologiija bokte.

Mot lágiduvvo doaibmi webinára? Ládde nuvttá Doaibmi webinára -girjji.

Reálaáigásaš gáiddusmieldeorrun dábálaš telefovnnain[edit | edit source]

Dilis, mas eará teknologiija ii leat geavahusas, maiddái dábálaš telefovdna heive reálaáigásaš oahpahusa reaidun. Telefovdna lea buorre reaidu, daningo oahppit dovdet oahpaheaddjiset persovdnan ja juo jietna reahkká oahpes olbmuin. Telefovnnain riŋgemiin oahpaheaddji sáhttá doallat oktavuođa ohppiidasas, muhto maiddái oahppi sáhttá riŋget juobe gaskan diimmu oahpaheaddjái. Dát lea dehálaš earenoamážit kriisadiliin, main oktavuođadoallan sáhttá muđui leat váttis omd. váilevaš prográmmaid dahje terminálarusttegiid dihte. Oktavuođadoallama riŋgemiin sáhttá atnit muhtun lágan minimagáibádussan.

Mieldeorruma dovddu sáhttá lasihit aktiivvalaš guldaleami bokte. Riŋgedettiin namma buhtte geahččankontávtta. Buohkat, geat oassálastet riŋgemii, gánnáhit ohcat ráfálaš ságastallanbirrasa, gos sii sáhttet čiekŋut gulahallamii.