Jump to content

Wb/se/Gáiddusoahpahusa vejolašvuohta čájehit/Oahpaheaddji bargomuttut gáiddusoahpahusas

From Wikimedia Incubator
Wb > se > Gáiddusoahpahusa vejolašvuohta čájehit > Oahpaheaddji bargomuttut gáiddusoahpahusas

Sihkkarastte iežat ja oahppi doaibmanvejolašvuođaid[edit | edit source]

  • Rusttegiid doaibman: Dihtor, prográmmat, belljosat, mikrofovdna, web-govvenapparáhta. Ja almmá fierbmeoktavuođa haga ii dieđusge gáiddusoahpahusas šatta jur mihkkege.
  • Vuođđodáiddut: Omd. prográmmaid geavaheami vuođđu, sáhkavuoru bivdin, chat-dieđujuohkin, báddemiid ráhkadeapmi ja gávdnan, bargobihtáid máhcaheapmi ja daid gieđahallan.
  • Doarjja: Čuolbmadiliid várás doarjjaolbmuid namaid ja telefonnummariid galgá muitalit ovddalgihtii sidjiide, geat oassálastet oahpahussii ja galgá sihkkarastit, ahte olbmuid sáhttá fáhtet, earenoamážit oahpahusbottu áigge, goas oahpaheaddji čiekŋu oahpahussii ja bagadallamii. Čuolbmadilit čovdojuvvojit doarjjaolbmuiguin duogážis.

Ráhkkan[edit | edit source]

  • Njuolggadusat: Ráhkat oktasaš njuolggadusaid ja ovdanbuvtte daid čielgasit (gearddut oahpuid álggus) ee. mot fierbmeoahpuin láhttejuvvo, bivdojuvvo sáhkavuorru jnv.
  • Pláne ja válmmaštala: Pláne gáiddusoahpahusa ollašuhttima ollisvuođa omd. logaldallanoasit (báddemat dárbbu mielde), indiviida- ja joavkohárjehusat, bargobihtáid máhcaheapmi, áigetávvalat, iešguđetlágan fierbmeoahppanvuođuiguin ávkkástallan. Válmmaštala dárbbašlaš materiálaid = rávvagiid, oahpuid ollašuhttima govvideami, áigetávvaliid, logaldallamiid, bargobihtáid jnv. Váldde vuhtii, ahte gáiddusoahpahusas oahpaheaddji áigi gollá olu eanet plánemii ja válmmaštallamii go oahpahusdili čađaheapmái, daningo stuorit oassi oahppama bagadallamis sirdása reaidduid ja materiálaid vehkii. Fierbmeollašuhttima sáhttá dieđusge muddet dilálašvuođas, muhto mađi eanet gárttat maŋálgihtii divodit, dađi eanet oahppit imaštallet. Nuppe dáfus kurssa sáhttá ráhkadit beaivi dahje vahkku dahje bargomuddu hávális, iige visot gánnát ráhkadit gárvvisin ovddalgihtii.

OpenDigi-fidnu fállá  guhtta čielgagielat nana dutkamuššii vuođđuduvvi málle das, mot oahppama sáhttá oahpahit, hárjehallat ja doarjut bargobihtáid barganrávvagiiguin sidjiide, geat barget gáiddusin.

  • Doaimma ovddalgihtii ja teste: Muital ovddalgihtii ollašuhttimii laktáseaddji vuođđoáššiid almmolaš dásis; maid gáiddusoahpahus sisttisdoallá, ollisvuođa ja dan osiid, omd. logaldallamat, bargobihtát, ohppiid oahpásmuhttimat ja deháleamos áigedávvalat. Lágit ovddalgihtii “testenbottoža”, goas juohkehaš sáhttá testet, ahte prográmmat, rusttegat ja oktavuođat doibmet ja sáhttet testet daid doaimmaid ja hárjehallat ja háhkat sihkkarvuođa.

Ollašuhte[edit | edit source]

  • Vuoigŋa: Go leat ráhkkanan bures, de aitosaš ollašuhttimis sáhtát čiekŋut duddjot olmmošlaš vuoiŋŋa ja viggat vejolašvuođaid mielde§ vuorrováikkuhussii ohppiiguin.
  • Ráhkkan dattetge čuolbmadiliide: Oaččutgo doarjjaolbmuin veahki vejolaš rusttetčuolmmain? Sáhtátgo dárbbu mielde juohkit bargobihtáid ohppiide muhtun molssaevttolaš vugiin omd. šleađgapoasttain dahje eará bálvalusain, maid oahppit muđuige geavahit? Sáhtátgo geavahit muhtin eahpevirggálaš vuođu, juos virggálaš vuođut eai man nu sivas doaimma? Leatgo dus gárvvisin ohppiid oktavuođadieđut dakkár dáhpáhusa várás?
  • Leage aktiivvalaš: Juos gáiddusstuderen bistá áiggi ektui guhká, dahje sisttisdoallá máŋggaid sierra bargibihtáid, de oahppit galget dattetge vásihit, ahte don oahpaheaddjin leat mielde ja bagadalat. Sáhtát ovdamearkka dihte rahpat gáiddusstuderema videočoahkkanemiin ja dan maŋŋá gozihit, juos ohppiin leat jearaldagat. Sáhtát maiddái rahpat beaivvi dahje diimmu oanehis videodearvvahusain ja rávvagiiguin ja priváhtta- dahje joavkochat-ságaiguin sáhtát doalahit bargamis ritmma.
  • Doala bottuid: Muitte, ahte gaskadiimmuid ja bottuid lea buorre doallat maiddái gáiddusoahpahusas. Rávve ohppiid fitnat olgun. Sáhtát maid bivdit sin govvet olgun sin tuvrra.

Ovddit ja ovdán[edit | edit source]

  • Bivdde ja čohkke máhcahaga. Gárget bargobihtáid ja ollašuhttinvugiid máhcahaga vuođul.
  • Ovddit gáiddusoahpahusat veardásaččaiguin. Ovddideapmi šaddá álkibun, go ovttasbarggat eará oahpaheddjiiguin. Dát lihkostuvvá sihke bargoservošis ja iešguđetlágan fierpmádagain (omd. Facebook-joavkkut ja Twitter-ságastallamat.)

Oahpaheaddjin virtuálaluohkás -fitnu materiálain leat čovdosat iešguđetlágan jearaldagaide, mat bohciidit gáiddusoahpahusas.