Jump to content

Wb/se/Gáiddusoahpahusa vejolašvuohta čájehit/Gáiddusoahpahusa vuosttašlávkkit almmá rusttegiid haga

Add links
From Wikimedia Incubator
< Wb | se | Gáiddusoahpahusa vejolašvuohta čájehit
Wb > se > Gáiddusoahpahusa vejolašvuohta čájehit > Gáiddusoahpahusa vuosttašlávkkit almmá rusttegiid haga

Máŋgasiin vuolleskuvllalaččain ii leat iežaset fiehttotelefovdna. Ruovttuinge eai vealttakeahttá leat dihtorat. Iige skuvllain vealttakeahttá leat vuolleluohkáin geavahusas digitála oahppanvuođđu. Praktihka tipsat gáiddusoahpahussii minimareaidduiguin

  • Sádde vahkko- dahje beaivebargobihtáid (omd. oahppogirjji siiddut ja bargobihtát) Wilma dahje eará seamma sullasaš kanála bokte daidda, geat sáhttet vuostáiváldit daid. Eará bearrašiidda riŋgejuvvo ja muitaluvvojit bargobihtát.
  • Sáhtát maiddái printet ja kopieret bargobihtáid konfaluhtaide ja bivdit váhnemiid dahje mánáid viežžat daid skuvlla fáktameaštáris. Seammás bearaš beassá lihkadit olgun.
  • Wilma fuones bealli lea dat, ahte dan bokte ii sáhte sáddet multimedia. Máŋggat iešguđet johtilis dieđujuohkingaskoamit doibmet buorebut govaid sáddemis (govat bargobihtáin ja vástádusain), muhto dáin galgá soahpat fuolaheddjiiguin. Wilmas sáhttá almmatge juohkit liŋkkaid dokumeanttaide, materiálaide, ja earáide seamma sullasaččaide.
  • Ávkkástala TV ja radio vejolašvuođaiguin, dát leat ollugiin. Yle Areena doaibmá fiehttotelefovnnain nuvttá.
  • Unna skuvlaohppiide dieđut mannet váldoáššis fuolaheddjiid bokte.
  • Oahpaheaddji sáhttá jearrat fuolaheddjiin mánáid iežaset telefonnummariid alcces, goas son sáhttá gulahallat njuolga ovttaskas ohppiiguin.
  • Oahpaheaddji sáhttá riŋget telefovnnain ja jearadit ságaid ja veahkehit.
  • Oahpaheaddji sáhttá meroštallat čielga riŋgenáiggiid, goas oahppi dahje váhnen oažžu riŋget sutnje oažžun dihte rávvagiid.
  • Skuvllalaččat dahket bargobihtáset fuolaheddjiid bagadallamiin ja fuolaheddjiid ráhkadan áigedávvala mielde. Vuolggasajis fuolaheaddjit sáhttet čuovvut dábálaš lohkanortnega áiggi geavaheamis.
  • Ii leat bákkolaš, ahte oahpaheaddji dárkkista bargobihtáid dahje daid sáhttá dárkkistit maŋŋelisge. Mánát sáhttet sáddet bargobihtáset (omd. govvemiin) oahpaheaddjái sohppojuvvon kanála bokte.

Álkes ideat ja tipsat gáiddusoahpahussii Dá oktageardán ideat ja gaskandagu plánahápmosat, maid lea álki ollašuhttit gáiddusoahpahusas. Dát eai gáibit oahpaheaddjis dahje ohppiin jur ovddit vásáhusaid gáiddusoahpahusas:

  • Ordne luohká ohppiide johtilis dieđujuohkinjoavkku dieđiheami ja oassálastima várás, juos dákkár ii vuos leat. Fuomáš, ahte oahpaheaddjis galggašii leat bargotelefovdna johtilis dieđujuohkingaskomiid geavaheami várás. Oahpaheaddji persovnnalaš telefonnummara dahje oktavuođadieđuid sáhttá addit ohppiide dušše oahpaheaddji iežas miehtama vuođul.
  • Ordne skuvlla iežas oahppanvuđđui juohke oahppái máhcahanbearpma. Dan maŋŋá sáhtát álkit rávvet man beare hárjehusa máhcahuvvot oahppi iežas berbmii.
  • Johtilis dieđujuohkingaskomiin oahpaheaddji sáhttá juohkit bargobihtáid teakstahámat dieđuiguin, jietnarávvagiiguin, oanehis filmmaiguin, govaiguin dahje fiilan.
  • Ále guođe gáiddusohppiid sin iežaset aktiivvalašvuođa ja ovddasvástádusa vehkii! Sihkkarastte beaivvi ovdáneami áigerájiiguin ja ovdamearkka dihte oanehis fierbmedeaivvademiiguin, main buohkat leat oktanaga mielde. Fierbmedeaivvadeapmái sáhtát geavahit johtilis dieđujuohkingaskoami dahje videočoahkkima.
  • Variere gáiddusoahpahusa geavahemiin oahpes gaskomiid oahpes ja hutkás vugiiguin. Ovdamearkka dihte: oktasaš fáddái oahpásmuvvan čohkkemiin dasa laktáseaddji liŋkkaid oahpes fierbmevuđđui.
  • Gáiddusoahpahus ii leat dušše bargobihtáid bargan ja lohkan. Gáiddusin sáhttá ráhkadit maiddái viiddit bargguid degomat prošeaktabargguid ja MOK-oahpuid. Gáiddusoahpahus sáhttá leat báiki čuolbmavuđot prošeakta- dahje fenomenaoahppamii ja oahpahusa čavdudeapmái.
  • Iešguđetlágan doabakárttát ja vástádusdávvalat doibmet ideaid čohkkemis ja oahpahusa aktiveremis ovdamearkka dihte ođđa fáttá álggus dahje prošeaktabargguid álggahusas.
  • Ráhkat luohkkái iežas siidduid dahje vuođu, mas juohkehaš sáhttá ovdanbuktit iežas bargguid earáide, ja masa sáhttá čohkket guovddáš rávvagiid, bargobihtáid barganrávvagiid jnv.
  • Flipped learning dahjege lotnolas oahpahus doaibmá sihke gáiddusin ja oassin máŋggahámatoahpahusas. Oanehaččat muttut: 1) jurddafáddámateriála (video, girjji kapihtal, artihkal dahje eará dakkár), 2) ovddabealde máinnašuvvon bargui laktáseaddji bargobihttá, mii máhcahuvvo fierpmis dahje oassálastin dasa laktáseaddji ságastallamii, 3) oktasaš burgin dahje bargama joatkin ovddit barggu vuođul.
  • Váldde ovddalgihtii vuhtii gáiddusohppiid čuolmmaid ja hástalusaid. Fála lasserávvagiid, ráhkat báikki dahje kanála, gos sáhttá čuolbmadilis jearrat dalán, geavat gárvves vástádusvuođuid, ráhkat bargamii muttuid ja sihkkarastte, ahte dat ovdána.
  • Muitte ahte fierpmis ja gáiddusin oahpahusa ovddalgihtii plánema ja áigerájiid mearkkašupmi lassána!

Tipsaid fierbme- ja some-bargoreaidduin ja pedagogalaš rávvagiid fierbmeoahpahusa plánemii gávnnat ovdamearkka dihte

Retrieved from "https://incubator.wikimedia.org/w/index.php?title=Wb/se/Gáiddusoahpahusa_vejolašvuohta_čájehit/Gáiddusoahpahusa_vuosttašlávkkit_almmá_rusttegiid_haga&oldid=5358844"