Wb/se/Gáiddusoahpahusa vejolašvuohta čájehit/Gáiddusoahpahusa vuosttašlávkkit allaskuvllas

From Wikimedia Incubator
Wb > se > Gáiddusoahpahusa vejolašvuohta čájehit > Gáiddusoahpahusa vuosttašlávkkit allaskuvllas

Allaskuvlastudeanttaid sáhttá navdit bargat iehčanassii, muhto ollugat soitet dárbbašit goittotge veahki ođđa studerengeavadagaid oahppamis. Fierbmeoahpahusa doaibmakultuvra ráhkaduvvo ovttas, ja das oahpaheaddjit leat guovddážis.

Gáiddusoahpahusa gánnáha hukset daid oahppanbirrasiid, prográmmaid ja fierbmebargoreaidduid vehkii, mat leat juo oahppolágádusas geavahusas. Vuosttažin gánnáha čielggadit fierbmebargoreaidduid ja prográmmaid, mat juo leat leahkime. Dás veahkehit dábálaččat allaskuvlla doarjjabálvalusat.

Fierbmedeaivvademiid dahje -čoahkkimiid lágideamis allaskuvllat ja universitehtat geavahit dábálaččat Zoom, Google Meet, MS Teams (dahje Skype for Business). Muhtin báikkiin oidet rabas gáldokoda BigBlueButton-bálvalusa. Allaskuvllain ja universitehtain geavahit dávjjimusat fiillaid juohkimis ja ovttas rievdadeamis Google Drive ja Office 365 ja joavkobargamis Google bargoreaidduid ja MS Teams. Máŋggain allaskuvllain ja universitehtain geavahit maiddái iešguđetlágan johtilis dieđujuohkingaskomiid, degomat Slack, maiddái oahpahusas.

Kursaalmmuheapmái ja čađahusmerkejumiid bargamis geavahit dábálaččat oahppohálddahusvuogádaga, omd. Peppi. Sisdoaluid juohkimii, dieđiheapmái, ságastallamiidda, hárjehusbargguid máhcaheapmái ja sullasaš oahpahusa hálddahuslaš doaimmain allaskuvllain ja universitehtain geavahit iešguđetlágan fierbmebirrasiid. Fierbmeoahppanbirrasiid gánnáha geavahit maiddái gáiddusoahpahusa guovddážin, báikin, gos oahpahusa eará bargoreaiddut ja prográmma leat juohke kurssa iežas siiddus.

Oahpaheaddji gánnáha maiddái čielggadit sihke iežas barggu ja studeanttaid geahččanguovlluin doarjjabálvalusaid, rávvagiid ja doarjjamateriálaid, mat geavahuvvojit.

Sohppojuvvon logaldallamat ja joavkobarggut sáhttet ollašuhttojuvvot videočoahkkimin. Studeanttaid hástalusat bissut mielde oahpuin ja oassálastit oahpahussii geahpeda dat, ahte sohppojuvvon logaldallamat ja deaivvadeamit lágiduvvojit prográmma mielde. Ohppiin lea dihto áigi ráhkaduvvon áigedávvala mielde videokonferánssas, goas sin navdet bargat oahpuineaset ovttas earáiguin. Videokonferánssa áigge oahppit sáhttet jearrat oahpaheaddjis johtilit kurssa ollašuhttimii ja čađaheapmái laktáseaddji jearaldagaid ja oahpaheaddji beassá rávvet iehčanas studeremis, joavkobargguin ja hárjehusbargguin.

Almmolaš dieđiheamis gánnáha geavahit oahppolágádusas buorrin gávnnahuvvon oktasaččat sohppojuvvon reaidduid, ovdamearkka dihte ságastallanforumiid. Čielggat vusten, leago kommunikašuvdna fierbmebirrasiin rávvejuvvon dahje makkár geavadagat organisašuvnnastat leat. Oktasaš ságastallankanálat omd. oahppanbirrasis, Yammeris, Teamsis dahje eará báikkiin leat neahttásat: dieđut vurkojuvvojit ovtta báikái ja leat lohkan ládje maid maŋŋelis, diehtu leavvá viidáseappot ja dávjá vástádusaid oažžu jođáneappot. Maid áigedávvaliid ja kursabargobihtáid gánnáha čállit oahppanbirrasii. Ná dat leat ovtta báikkis goas ihkinassii.

Vuosttaš lávki gáiddusoahpahusa álggahusas leage bidjat ortnegii iežas kurssa siidduid fierbmeoahppanbirrasis. Muhtin universitehtain juohke kursii ráhkaduvvo automáhtalaččat vuođđu, mas leat kurssa vuođđodieđut, áigedávval ja oahpahussadji. Muhtun allaskuvllain ja universitehtain kurssa galgá ráhkadit sierra fierbmeoahppanbirrasii. Iežas kurssa siiddu fierbmeoahppanbirasin gánnáha jurddašit kurssa ruovttusiidun, báikin, gos studeanttat gávdnet álkit buot deháleamos dieđuid kurssas ja dan čađaheamis. Dábálaččat dát doibmet maiddái mobiilarusttegiiguin. Dieđut mat čállojuvvojit fierbmeoahppanbirrasii gáiddusoahpahusas, leat ovdamearkka dihte áigedávvalat, prográmmat mat geavahuvvojit, kurssa oahppamateriálat oktan bargobihtáideasetguin. Prográmmaid ja oahppamateriálaid buohta lea jierpmálaš geavahit liŋkkaid, nuppiid sániiguin, bidjat siidduide liŋkka njuolga prográmmaide (omd. videokonferánsa) ja materiálaide (omd. girjerádjosa diehtovuođđu, dahje birrasii buktojuvvon PDF:t, filmmat jnv.)

Aitosaš oahpahus, sihke gáiddusin ja árbevirolaččat, leat dalle váldoáššis kommunikašuvdna. Studeanttaid gánnáha aktiivvalaččat muittuhit bargobihtáin ja daid áigedávvaliin. Oktasaš videokonferánssat leat buorre vuohki ráhkadit gáiddusoahpahussii ritmma. Ng. jorggu oahpahus heive bures metodan maiddái gáiddusoahpahussii. Sáhtát addit studeanttaide bargobihtáid oahpásmuvvat iehčanassii oahppamateriálaide ja ságastallat dain de videokonferánssas. Áibbas dego árbevirolaš oahpahusas, sáhtát maiddái juohkit studeanttaid smávvajoavkkuide ja bivdit sin bargat hárjehusaid ovttas. Oktasaš videokonferánssas sáhtát dasto bivdit juohke joavkku ovdanbuktit bargoset bohtosiid.

Digi-bagadallama kvalitehtakritearat (eAMK-fidnu)