Wb/se/Gáiddusoahpahusa vejolašvuohta čájehit/Gáiddusoahpahusa iešguđet hámit

Iehčanas studeren fierpmi bokte

Studeren dáhpáhuvvá iehčanassii oahppi iežas rusttegiiguin. Doarjjan sáhttá geavahit fierbmeoahppanbirrasa ja oahpahussii heivvolaš mobiilaapplikašuvnnaid ja fierbmemateriálaid ja oahpaheaddji čohkken materiála (omd. Google Sites -siidu dahje juhkkojuvvon Word Online-fiila).

Máŋggahámat-studeren fierpmis ja gáiddusin

Máŋggahámat studeren sisttisdoallá iešguđetlágan metodaid ja bargovugiid degomat iehčanas bargama, bargama smávvajoavkkus ja bargama oahpaheaddji láidestemiin gáiddusoktavuođa bokte. Bargamis ávkkástallojuvvojit elektrovnnalaš oahppanbirrasiiguin ja/dahje mobiilaapplikašuvnnaiguin, main studerenmateriálat leat ja main oahppit sáhttet máhcahit bargguideaset ja oažžut bagadallama ja máhcahaga.

Studeren oahpaheaddji láidestemiin fierpmis

Studerejit oahpaheaddji láidestemiin oahppolágádusa elektrovnnalaš oahppanbirrasis (omd. G Suite, O365, Peda.net, Moodle, Itslearning, Blackboard…), gos studerenmateriála ja oahppanbargobihtát leat. Oahppanbirrasis studeanta sáhttá ee. bargat bargobihtáid ja iskosiid ja leat oktavuođas oahpaheddjiin ja eará studeanttaiguin. Lea vejolaš studeret fierpmis maiddái reálaáigásaččat, goas oahpaheaddji ja studeanttat leat oktanaga terminálarusttega (dihtor, dihtorduolbbus dahje fiehttotelefovdna) guoras, muhto fysalaččat sierra sajiin (omd. Google Meet, Microsoft Teams, Adobe Connect, Zoom). Heivehuvvon gáldu.

Mieldeorrun johtilis dieđusirdingaskomiin dahje videoráđđádallanoktavuođain

Geavat vuosttaš sajis gáiddusoahpahussii reaidduid ja oahppanvuođuid, maid skuvla/oahppolágádus fállet. Ovdamearkka dihte Google Suite ja O365 johtilis dieđujuohkingaskoamit ja videoráđđádallanreaiddut. Oahpaheaddji, ohppiid ja fuolaheddjiid eaktodáhtolaš soahpamuša vuođul sáhttá geavahit earáge reaidduid, degomat WhatsApp, Signal, Telegram, Marco Polo, Zoom, Skype, Adope Connect. Oahpásmuva  iešguđet videoráđđádallanreaidduid veardádallamii.