Wb/qwh/Papa kuru

From Wikimedia Incubator
< Wb‎ | qwhWb > qwh > Papa kuru

Huk markachawshi kapuqyuq allaapa wayllaayu runa warminwan taakuñaq. Wasinchaw sara, papa, uqa, imayka laaya mikuykunapis kapuñaq; ashmankunapis allaapa mirañaq, qillayninpis qara pikshachaw hunta pakaraakuñaq. Chaynaw kapuqyuq kaykarshi mana pitapis kuyapaariqtsu. Papa allay wichanna, wakcha warmikuna hina wamrakunapis allapakuq chaayaañaq, chayshi micha runaqa qurpankunata llullapañaq, kaynaw nishpa:

  • Papaataqa kurumi allaapa ushashqa, chaymi allaaraqtsu,

qamkunaqa munayankimanraqku mana alli papata, nir. Papa 137 allaychaw kaykaayaptinnashi, runapa mamallanpis chimpa naanipa shamuykaañaq. Chayta rikaarirnashi warminqa niñaq:

  • Mamaykipis papamannachi shamuykan ¿Kanan imanashuntaq?,

chaynashi runaqa warminta niñaq:

  • ¡Ras chay papapa yuranwan tsapaykamay, manaraq rikaamanqanyaq!,

chaynashi warminqa papapa yuranwan tsapaykuñaq. Maman chakraman chaarirnashi wawallanpaq llumchuyninta tapukuñaq. Chayshi llumchuyninqa, kaynaw niñaq:

  • “Karu markatami qila wawayki aywakushqa”, chaynaw niptinnashi

chakwanqa allaapa llakinashqa niykur waqarnin kutikuñaq. Chakwan illakaariptinnashi warmiqa runanta kichaq aywañaq. Chaynashi runantaqa kuruman tikrakashqata tariñaq. Chaynashi ”¡Waaaw!, quwallaami lluta kuruman tikrakashqa”

  • Nir manchakar warmiqa qapariykuñaq, niykur yanapayta ashir

qayaykachaañaq. Niykurshi runapa mamanman qayakunaq kutimunanpaq, karuchaw karninna wiyañaqtsu. Chaynaw kaykaptinshi marka mayinkuna warmi waqaqta wiyar tapuq aywayaanaq: ”¿imataq imanashqa? nishpa. Chayna warmiqa imanaw kashqanta runakunata willañaq. Chayshi runakuna kurukunata alli aylluykur kayaykuyaañaq. Chay hunaqpitashi uchpanpita achka imayka rikuq kurukuna yarquyaañaq, niykur may chay hirkapa aywayaañaq. Chay hunaqpitashi imayka rikuq papa kurukuna yuriyaañaq.