Wb/qwh/Atuqpa kawaynin

From Wikimedia Incubator
< Wb‎ | qwhWb > qwh > Atuqpa kawaynin

Atuqqa qarwa-qarwa kunkami, chakcha rinrimi, kashpi sinqami, sapcha chupami, kasha kirumi, qasqun pachanpis suqumi, niykur kay sallqa uywaqa takshallami. Ñawinqa tukupanawraqmi, shillunpis mishipanawraqmi, wayrallami purin, kaypa wakpa rikachakushpami aywan. Machaykunachawmi puñun, allqunawmi miran. Usya wata kananpaqmi hirkakunachaw awllan. Karumanmi sinqan muskin. Uushata rikaykurnami manchaq-manchaqlla laataypa witipan, hunaqpa paqaspapis suwakun, mana taqrayllapami mikunpis. Lluta aychatapis mikunllami, allaapa suwakuq uywami, sallqakunallachawmi yachan.