Wb/pag/Muan A Baliti

Say kiew a Baliti

talintaoy lamang

Diad ami pinalsa

sikatoy kakaogsan

No wal nid kapoy

andi ag to pikasian

Ya naabayan ton kiew

ta patalbin ugman.

Wakal a marelmeng

so peteg a gapu

Na kiew a balitin

malaman ed aro

ag makatalindeg

no andi mangaklulo

Ya kiew a mabiskeg

a panpeketan to

No wala lad satan

so kiew mangasi

Ya mangitabin ed

si muan a baliti

Ikana to la may

dokamil ya ogali

Gapuan to'y pamitkel

ed samay angasi

Andi lay patanat

andi lay paleen

manlaloy mesmes tod

pineketan ton kiew,

Legay ibabaleg to

manelet so tikel

ed samay angasin

getma to lan pateyen

Anggad ag onpatey

imay nanpikasian

say mallet ton tikel

ag to la lokakan,

kanyan andi saew

nasungpalan to ugman

so onpatey ninmay kiew

ya akalmoan toy bilay