Wb/pag/Matalag ya Agew

Matalag ya agew
Matalag ya simba
Matalag ya tiempo'y
Pakapantuyaw ta.

Nanilaloan mo la lagin
Anguman lay walnak
Mas lalon mandende'y
Panangarok ed sika.

Maminsa'd sanagew
Ya ag taka nanengneng
Sakiten toy ulok
Lupoken toy pukel.

Ganagana'y kanen ko
Mansiminto'd pagew
Inumen kon danum
Manbuknol ed beklew.

'Neng mo pa inaro'y
Awawey ko natan
Laman ko'y mabeleng
Aliling ko'y patey.

No wala ni panangarom
Sambot mon sibegan
Ganagana'y remidyo
Walad sanduan limam.