Wb/nia/Ngawalö gowi ba Danö Niha

Oya sibai ngawalö gowi, so zafusi, sa'usö, soyo ba tanöbö'önia. Ba hiza sasese tasöndra ba Danö Niha ba ha gowi safusi ba gowi soroyo-royo. Baero da'ö so nasa zifakhili-khili ba gowi andrö si nifotöi gowi balandra ba gowi farasi ma kentang ba li Indonesia ba potato ba li Inggris. Börö da'ö töi gowi si to'ölö ba khöda lafotöi ba li Inggris gowi sami (sweet potatoes). Ba hiza sindruhunia gowi no fabö'ö moroi ba gowi balandra ma gowi farasi. Gowi tumbu manana ba danö, no fabö'ö sibai moroi ba gowi balandra ba gowi farasi si lö manana, ba hiza motöla hulö geu. Lö ta'ila sibai hana wa labe töi zinanö tanöbö'ö andrö göi gowi.

• 
  Bulu gowi satabö
• 
  Gowi tumbu manana ba danö
• 
  Töla gowi rio si no atua ba alaŵa
• 
  Gowi rio tumbu hulö geu si so töla

Da'a ngawalö döi gowi si tumbu ba Danö Niha:

gowi adulo, gowi ale, gowi asio, gowi bala, gowi belu, gowi duria, gowi eu, gowi hawu, gowi kara, gowi laidö, gowi ma'ufa, gowi meziŵa, gowi no'u, gowi ombu, gowi safusi, gowi si fakhaitö, gowi soyo, gowi solowö, gowi tugala, gowi tumba, gowi tölagasa, gowi balandra (potatoes), gowi farasi (tapioka), gowi rio (ngawalö gowi farasi)

Gowi ba zura wamahaö me föna

Gowi duho gö niha sato ba danö Niha.
Ba mbulu gowi zi a'a gö mbawi ba niha.
Oya sibai ngawalö gowi ba danö.
So gowi zeke, ba so gowi ate.
So gowi adulo, ba so gowi ale.
So gowi asio, ba so gowi bala.
So gowi belu, ba so gowi duria.
So gowi eu, ba so gowi hawu.
So gowi kara, ba so gowi laidö
So gowi ma'ufa, ba so gowi no'o'u.
So gowi meziŵa, ba so gowi tumba.
So gowi si fagaitö, ba so gowi soyo.
So gowi soloŵö, ba so gowi tugala,
ba so gowi tölagasa ba niha.
Ba so na gowi rio ba gowi farasi ba danöda göi.
Gowi balandra, ba lö börö molaoe ba danö Niha.