Wb/nia/Luka/18/Amaedola zanguhuku si lö atulö
1 I. Ba ilau khõra gamaedola, ba wangoromaʼõ wa lõ tola lõ fadoro wangandrõ, wa bõi atage, [1]
2 imane: So me fõna zanguhuku ba mbanua, lõ iʼataʼufi Lowalangi, ba lõ ba dõdõnia hadia niw̃aʼõ niha.
3 Ba so lakha mbanua ba mbanua andrõ, ba mõi daʼõ khõnia, imane: Tolodo ba zi faʼudu khõgu andrõ. [2]
4 Ba ara lõ edõna ia. Ba dania, ba imane dõdõnia: He lõ uʼataʼufi Lowalangi ba he lõ ba dõdõgu hadia niw̃aʼõ niha,
5 ba edõnado zui utolo lakha mbanua andrõ, me ifakao ndraʼo, fa bõi afõkhõ hõgõgu ibeʼe, na lõ ibatobato weʼamõi.
6 Ba imane Soʼaya: Mifondrondrongo, hadia niw̃aʼõ zanguhuku andrõ, si lõ atulõ tõdõ.
7 Ba hadia, lõ itolo Lowalangi nitutuyunia andrõ, siʼangarõfi li yaʼia bongi maʼõkhõ; ba hadia arõrõ ia ba khõra?[3]
8 Oew̃aʼõ khõmi, itolo ira, lõ ara sibai. Ba na so Nono Niha, hadia falukha ia maõ wamati ba guli danõ?[4]
(Luka 18 : 1 – 8)