Jump to content

Wb/nia/Lö Orudu Dödö Faoma Boto

From Wikimedia Incubator
< Wb‎ | nia
Wb > nia > Lö Orudu Dödö Faoma Boto

Ba zi sambua inötö möiga manörö ba mbewe nasi. Ba da’ö ato niha. So zo dadao, so zo sindro, so zi fagohi-gohi ba mbewe nasi, so zi molangi ba nasi, so zi fakoda-koda, ba tanö bö’ö nia. Si khala niha si so ba da’ö oroma wa omuso dödöra. Hiza i, me ufakhölö ndra’o, u’ila so samösa niha so dadao ba gara, ha ya’ia-yaia. Ba wamaigigu, si khala nia hulö zabu tödö. Boto nia so ba mbewe nasi, dumadao ba dete gara, hiza i famaigi nia ba fangera-ngerania mofanö aröu, lö ba nahia.


Manofu dödögu, hadia ia zi tobali noro dödö niha andrö, irege ba nahia wanörö, si tobali nahia wondrara dödö mena’ö ba tebai iröi ma i’efasi noro dödönia andrö. Edöna mena’ö u’ondrasi ia ba usofu hadia ia zi tobali abula dödö nia si tebai itayaigö he wa’ae so ia ba nahia wanörö. Ba börö me lö fa’ila ndra’aga, ba ubödado.  


Ba wamaigi da’ö, tumbu ba dödögu sambua wangera-ngera wa niha ba guli danö andre ba no fabö’ö-bö’ö. Tola manö fagölö-gölö so niha ba zi sambua nahia, he wa’ae si manö ba fabö’ö-bö’ö zi tobali ohitö dödö zamösana we’amöi ba nahia da’ö. Aefa da’ö, boto ba fangera-ngera ifataria lö orudu. Tola manö boto zi samosa niha so ba zi sambua nahia, ba hiza tödö ba fangera-ngera nia so ba nahia bö’ö. Si mane niha so dadao ba dete gara andrö, boto nia so ba nahia wanörö, ba mbewe nasi, ba hiza tödö nia hulö no so ba nahia bö’ö. Irege lö i’ila irasoi wa asökhi nahia wanörö ma bewe nasi andrö.