Wb/nan/Esuperántò͘/Tē-1 Khò
Gí-bûn ê ki-pún, to̍h-sī káng-su̍t mi̍h kap tōng-chok. Lán ē-tàng ùi chia khai-sí lâi khoàⁿ Esuperántò͘ ê bûn-kù kò͘-chō.
| chú miâ-sû | tōng-sû | kheh miâ-sû |
|---|---|---|
| chi̍t-hāng mi̍h | chok-iōng tī | lēng-goā chi̍t-ê mi̍h |
| Birdo | kaptas | insekton. |
| Chi̍t-chiah chiáu-á | teh lia̍h | chi̍t-chiah thâng. |
Miâ-sû ê Keh kap Chiòng-koá[edit | edit source]
Esuperántò͘ chit-chióng gí-bûn ê te̍k-sèng sī, lí ē-tàng ùi múi-chi̍t sû ê boé-liu lâi liáu-kái i tī bûn-kù lāi ê keh.
| ko͘ chú miâ-sû | ko͘ kheh miâ-sû |
|---|---|
| -o | -on |
| chèng chú miâ-sû | chèng kheh miâ-sû |
| -oj | -ojn |
Tōng-sû Sî-chè[edit | edit source]
Ūi-tio̍h piáu-ta̍t tōng-chok sī tang-sî hoat-seng ê, lán su-iàu iōng bô-kâng ê sû-boé lâi kái-piàn tōng-sû sî-chè, ia̍h chiū-sī tōng-sû ê sî-kan-sèng.
| hiān-chāi sî-chè | -as | piáu-sī hiān-chú-sî hoat-seng ê tōng-chok |
|---|---|---|
| koè-khì sî-chè | -is | piáu-sī hoat-seng-koè ê tōng-chok |
| chiong-lâi sî-chè | -os | piáu-sī iáu-boē hoat-seng ê tōng-chok |
| Birdoj | kaptis | insektojn. |
| (Kúi-nā-chiah) chiáu-á | lia̍h-tio̍h | (kúi-nā-chiah) thâng. |
| Birdoj | kaptos | insektojn. |
| (Kúi-nā-chiah) chiáu-á | beh-lia̍h | (kúi-nā-chiah) thâng. |
Bûn-kù lāi-té ê múi-chi̍t-ê tōng-sû kap miâ-sû lóng chun-siú chit-ê hoat-chek.