Wb/mni/ৱিভর বার্দ/২

মকোল মনুংসিদা উচেক লাবা অমোমগী য়ারেকফম, মরূম কোকফম অমসুং কোনফম, মরূমদী মচা ওল্লরগা উচেক মচাশিংনা লৈগদবা মফমনচিংবা লোইনা শুনা শেম্মী হায়রি। মরুম কোনফম অদুনা অঈংবা য়ৈরক্তনবা লুম্ননবা এয়ার কন্দিসনগী সিষ্টেম লৈননবা মওংদা শেম শাহ হায়। মসি ময়ামসিবু হৌজিক ফাওবদা অমত্তা কায়দনা থল্লি অমসুং শারি হায়নৈ। অমোম মায়কৈদগী য়েংলুরবদি উচেক ৱিভর বাদমুক মশাগী কলচর ঙাকপা জীব মালেমসিদা লৈরমখিগদ্রা হায়না শীংথারি।

মসিদগীসু হেন্না নুংঙাইবা ৱাফম অমসু লৈরি। মখোয়না মহুম শাবগী থৌরাং হৌগৎলকপদা মহুম শাফম অদু লাবা অমোম অনীমক্লা হান্না থিদোকই অমদি খণ্ডদোকই। মহুম শাবগী থবক্তি ৱারেপ অসি হেক লোয়বগা হেক্তা খুনা শাবা হৌদে। নোংমদুগী অহানবা মবুক থানবা মচাঞ্জাকথিবা হান্না চৎলি। মবুক থল্লে হেক খনবদীদি মতমদুমত্তা, হৌজিক হৌজিক মখোয়না চাক্তারিবা মফম অদুমত্তগী মহুম শাবগী মচাক অকংবা নাপী-শিংবী, উনা-ৱানা খুল্লগা মখোয়না লেপ্পখিবা মহুম শাম তান্না পাইরক্কনি। অদুগা মহুম শাবা হৌগনি। য়াম্না ঙরিংঙাই ওইবা ৱাফমদি মহুম শাবগী মচাক পুম্নমক মখোয়না খাইদগী অহানবা মচাক খুল্লকখিবা মফম অদুদগীতা লৌগনি। মহুম শাবগী মচাক খুনফম মফমদুদা মহুম শাফম মফমদী ফনা যায়া লাপ্লবসু মফমদু তান্না হঞ্জিন- হঞ্জিন পাইগনি। মখোয়গী মহুম শারিবা উপাম্বীদুগী মখোঙদসু নত্রগা অকোয়বদসু মখোয়না থিরিবা নাপী- শিংবীদু চপ মান্ননা ইনক নক্লা মরাঙ কায়না অদুনা লৈরিবনি।