Wb/mni/ৱাতোন লাইমু/3

লুখ্রাবী মচানুপাদুনা ফরে হন্দক মপোরী ইমা, নুপী কায়নৌ হায়না তল্লশ্নে হায়রগা ঐগী থাংশাং পুথোক্লকউ হায়দুনা মাগী শগোল সরবাইনচিংবা থৌরাং তৌদুনা সময়ে অদুগা বারী অদু লীরী। বারী হেক লীবা লোইবগা লাইমুদু মাগী চুরী মখাদা থুংলরে। লুখ্রাবী মচা অদু সগোল সরবাই তোংদুনা পাইছে। লাইমুনা লুয়াবী মচা অদু হাংকদবগী তান্নরশ্মী। লাইমুদুনা অসুম অসুম তান্নরকপদা নারক, মোংশোং, উমং বামং, পা তুরেল লাল্লশ্রী। মমৈথংদ চেনফম লৈরক্তে সমুদ্র লান্দুনা চেন্নবা হোৎত্নরী। সমুদ্র লানবদা লাইমু অদু সমুদ্রদা তাশিদুনা শিরে। লুয়াবী মচাদুসু সমুদ্রদা তাশিল্পম্মী। লুখ্রাবী মচাদুদি সমুদ্রদা ঙা ফাবা দুম অনীনা ইরাক্লবদর্শী কনবীরে অদুগা দুম অনীদুগী হি মনুংদা তোংদুনা লাকপদা নুমিদাং ওইরজুনা দুমশিং অদুদি তুমন্ত্রে। লুয়াবী মচাদুদি তুমদনা পোখাদুনা লৈরমী। হিন্দুদা চামোর অমুবা অমগা অঙৌবা অমগা যাওরশ্মী। চামোর অস্তৌবনা অমুবদুদা হায়, ঐবু ঈশিং লুপ্রগা চাইবদা শিল্পবা জীবশিং অমদি মীশিংগী শরু শয়াং পুরা জীব ওইনা অমদি মী ওইনা হিংলকনি। চামর অমবদুনা অন্তৌবদুদা অমুক হায়, ঐবু ঈশিং লুল্লুগা চাইবদা উপাল বাপাল খুদিংমক কংগনি। মধ্যেয় অনীনা ঙাংনরিবদু লুখ্রাবী মচাদুদি লোইনা তারম্মী। অদুদী খুদক অদুদা হৌগৎলগা চামোর অনীদু পায়খৎলগা চামোর অডোবদু পায়রগা ঈশিং লুপ্রগা মাগী শগোল শিক্ষম তান্না লাঞ্ছনা শগোলদুদা চাইরম্মী। খুদক অদুদা মাগী শিশুবা শগোল সারবাইদু হীঙ্গৎলক্ষ্মী। অদুদগী মহারা মাগী শগোল সারবাই তোংদুনা মথং মথং অসুম পাইদুনা লাকপদা লৈবাক অমগী নিংযোগী লৈলেংবী হনুবী অমগী যুমদা থুংলক্ষ্মী। হনুবী অনুদা লুয়াবী মচাদুনা হায় – ইমা লৈবাক অসি নিংযৌগী মচানুপী লৈরা? হনুবী অদুনা ইংঙো লৈ, হয়েং মাগী সাম্বরনি হায়না খুনম্মী। লুয়াবী মচাদুনা হনুবী অদুদা ইমা ঐগা অমুক্তা উনসি হায়বিয়ু হায়রী। হনুবী অদুনা ইবুংঙো মদুবু করয়া ওইখোরুনি। ইমা হায়দ হায়বিক হায়না লুয়াবী মচাদুনা তারুমী। অদুদর্শী হনুবীদুনা ফরে হায়দুনা নিংযৌগী মচানুপীপুদা হায়করে। বারী ভাইহাক শান্নরবা মতুংদা লৈলেংবী হনুবীদুগী ময়ুমদা রাজকন্যাদু লারুশী। অদুগা লুখ্রাবী মচাদুগা উনরে। বারী ভাইহাক শান্নরবা মতুংদা নিংযৌগী মচানুপীদুনা লুখ্রাবী মচাদুদা ফরে হয়েং ঐনা সয়ম্বর থোককপদা নঙনা ঐবু শগোল সরবাই তোংদুনা ফারগা পুরো।